نفساني - عرض مشاركة واحدة

18-03-2016, 11:28 PM

ونسيت اقولكم ايضا بالنسبه للاظافر ، اشوفها صارت بيضاااا
وهدا اللي يخليني افكر بامراض الكبد !!!! اعوذ بالله
وكمان غير ان الاظافر صارت بيضا ، كمان في نقطه سودا تظهر كل كم يوم بظفر جديد
الان تقريبا اغلب الاظافر فيهم هذي النقطه السودا او زي الخط الاسود الرفيييييع

هذا بسبب ايييش ؟؟؟ معقوله كله نفسي او نقص فيتامينات

ما اخبي عليكم انا رحت عند دكتوره نسائيه وكشفت بالجهاز السونار وبالنسبه للكبد والكلى قالت الحمدلله اشوف الاحجام تمام وإن شاء الله مافي شي
بس انا طبعا ما اقتنعت وقلتلها هذي الاشياء ما تبان غير بالدم مثلا
وفعلا كتبتلي اسماء فحوصات شااااامله بالدم ،للكبد والكلى والغده والفيتامينات
بس للاسف حاليا الوضع ما يسمح اعمل الفحوصات هذي كلها
عشان كذا انا بين نارين ، لا قادره افحص واطمن ، ولا قادره اهدأ وما افكر بالامراض
رغم اني من قبل عملت تخطيط قلب وحتى شكيت باورام في الصدر وفعلا فحصت والحمدلله تمام

وبالنسبه للنقط في الاظافر الدكتوره حلفت ان بنتها في المتوسط عندها نفس الشي بسبب توتر الاختبارات وكمان قالتلي اكيد ما تاكلي فواكه وخضار

بس ياناس الاعراض كثيييير
وجع في العين اليمنى مع الرقبه
والنقط اللي قلتلكم بالاظافر
وكمان بقع او نقط بني فاااتح في الجسم ، هذي ماني متاكده في فيني من قبل والا الااان!! صرت ماعاد افهم ، اقول انها فيني من زمان ، لكن الوسواس يقنعني انها جديده
وهالايام مااافي جوع ودايما النفس مسدوده وشعوور بالغثيااان
والم بعظام الصدر ، واحيانا نغزان او كهربا او شد تحت الكتف من ورا ومن قدام كمان!!
وتنميل بجزء معين في الظهر!!! و وخز في اطراف الجسم
وشعور مثل الدوخه، مش دوخه ،بس احس كانه في شي مش واضح
ياناس فعلا لازم افحص ؟ رنين مغناطيسي؟!!!

ايش الشي اللي يخلي الواحد يتحرك ويقوم يفحص بسرررعه؟

انا زي ماقلتلكم ما اقدر اعمل اي فحوصات الان
ونفسي اعرف ايش السبب
فعلا زي ماتقول الدكتوره ممكن يكون نقص فيتامينات فقط .؟؟.
تعمل هذي الحاجات كلهاااا
لو سمحتوووو اللي فحص من قبل وصارت هذي الاعراض عنده وغيرها طبعا ، ياريت تقولولي
وطبعا الاعراض كثير اعوذ بالله

اعتذر مره ثانيه للكلام الكثير الملخبط ،لكن الحاله النفسيه والفكريه صفررررر استغفرك ربي واتوب اليك