عبدالله سلمان

بيانات اضافيه [ + ]

رقم العضوية : 52674  تاريخ التسجيل :  01 2016  أخر زيارة : 13-06-2021 (08:19 PM)  المشاركات : 1,242 [ + ]  التقييم :  14  الدولهـ  الجنس ~

لوني المفضل : Blue

والله كنت داخل بقول لك نفس كلام وائل


يا أختي غيري من نفسك وأولوياتك بالحياة .... كلام أخوي وائل كافي ووافي


أنا هالمرّه أبي أكون معك صريح وبالتفصيل


إنتي ماشاء الله كتبتي مواضيع كثير ... وبإختصار اللي تشتكين في مواضيعك منه هو الدراسة الجامعية ومسألة التخصص .... وإنك ودك تلبسين وتكشخين وتطلعين وأهلك يقولون عيب وحرام ... لذلك زعلانة من أمك ... وأبوك كتبتي عنه موضوعين انه سلبي بسبب مرضه ... يعني بالعربي ذكرتي إن أمك متسلطة ... السبب يا أختي ان ابوك مريض وأمك تحملت المسؤولية الله يجزاها خير ... وأبوك سلبي لأنه رجل مريض مثل ما ذكرتي ... تحملينهم أكثر مما يتحملون وبالعكس جزاهم الله خير


المفروض كل ما تكبرين تعرفين إنهم حاولوا وجاهدوا من أجلك إنتي واخوانك في هالحياة .... وخصوصا أمك اللي شايلة المسؤولية كاملة حاليا .. وبدل ما تحبينها أكثر تقولين إنها متسلطة وتتراددين بالكلام معها ... هذا الشيطان اللي ينخر في مخك يا أختي


وأقولها لك كاش .... إذا ما إنتبهتي لعمرك وجاهدتي نفسك .... راح تمرضين بقوة وتسنترين بالمنتدى هنا 24 ساعة وتدخلين دوامة صعب تطلعين منها .... يعني تفقدين الإحساس بالعالم الخارجي وتتغربين عنه


إنتي مشكلتك تبين تغيرين عادات أهلك وتمشينهم على مزاجك ... وهالشيء مو صحيح وراح تتعبين وإنتي على هالموال


اشرحي لنا أسبابهم وطلباتك .... كيف تبين تلبسين وتكشخين وتطلعين وتدرسين في تخصص رفضوه لأنه ما يصلح للبنات ؟؟ ممكن توضيح أكثر ؟؟ من شان نعرف إذا معك أو معهم الحق بخصوص العيب والحرام اللي كنتي تتذمرين منه ؟


واللي ملاحظه إنهم ماهم مقصرين معك من طبيب لطبيب ومن معالج لمعالج ورحتي عمره كذا مرّه وودوك للرقية وتوك واصله من الخبر ... وإنتي شاخله أمك وأبوك هنا شخل
يا بنت الحلال إرفقي على عمرك وإنتبهي لنفسك ويعاقبك ربي بإكتئاب حقيقي تروحين فيه بأزمة حقيقية .... إحمدي ربك على اللي إنتي فيه .. يا دوب عمرك 20 أو 21 ومطلع لك الشيطان أربعين مصيبة في حياتك غير واقعية .. أتعبتي نفسك وأتعبتي أهلك


المشكلة ترجعين وتقولين سبب مرضي إني ما اخترت التخصص اللي أنا أبي وسمحوا لأخوي يدخل نفس التخصص اللي كنت أبيه ... بالله هذا عذر ؟؟ والشيء الثاني أبي أكشخ وألبس ولا يسمحون لي ... إرحمي نفسك بالله