المشاركة الأصلية كتبت بواسطة على قيدالحياة

ههه كتبت لك رد ياااطوله
وللاسف طلعت الشبكة طافيه
وطار

المشاركة الأصلية كتبت بواسطة على قيدالحياة

يعني مدري وش اقول
ووش اكتب

دايم لاجا الانسان ينصح غيره ويواسي غيره يتكلم بقوه
واذا جا يتكلم عن نفسه يتكلم بضعف. لان كل واحد فينا عايش دور الضحية>>>>لاحد يقول شدخل هالكلام. كذا شعور حسيته وكتبته


المهم نرجع لموضوعك يارسوم


هالحين يومنك تحرق يدينك وش تبي. ووش تحس به

من وجهة نظري المتواضعه حالتك بين حالتين

يا انك مسوي لك شي وقاعد تجلد نفسك وتعاقب حالك. وهالشي غلط ومو من حقك
لان الله سبحانه وتعالى نهانا عن هالشي ولاتلقو بايديكم الى التهلكة

او انك حاس بضغط واهمال من اللي حولك وتبي تستعطفهم. وهالشي بعد غلط


الواضح انك انساان حساااس جداً. وهالنوع من الناس هم اللي ماكلينها

مشكلتنا اننا ندقق بكل شي
ونكبر المواضيع ونسوي من الحبة قبه
لو اننا من العالم القاسية ماوصلنا للهحال
ولو عندنا مهارة التطنيش. ماتعبنا



الزبده


ارفق بحالك وانا اختك


ولاتصير انت والظروف على. نفسك

جسدك الضعيف ذا وش ذنبه
يومنك تحرررقه
ليش ترهقه فوق ارهاقه
يعني المكتئب خلقه جسمه متاذي من المرض ومن السهر ومن الارق والقلق
تجي تكملها عليه وتحرقه


بعدين
لاتنسى
لايعذب بالنااار. الا رب النار

طرى علي واحد كلم مفسر احلام معروف وقاله حلمه بابوه المتوفي
قال الشيخ ابوك بقبره ينسأل عن مرض بجسمه ماعالجة


فمابالك عاد بانسان يحرق يدينه

مابي ابثرك واكثرها عليك. بس اصحى لحالك
وارحم نفسك
وكل ماوقعت قم بقوووة. اوقف اقوى من اول وانفض غبار المرض عنك
ولاتستسلم للنفس وساوسها

خلك قوي وتدارك نفسك
وترى دولاب العمر ماشي
تلاحق حالك. وتزوج وشف عيالك

وتناسى المرض ينساااااااك
وبس

المشاركة الأصلية كتبت بواسطة على قيدالحياة

وبعدين لاحظت بكلامك
تقول ماقدرت
عجزت
صعب
ماعاد ينفع



هالكلمات هاذي هي اللي تحطم الانساان
تصدق ان القدر موكل بالمنطق
وان الكلمات اللي نقولها ونكتبها. يصدقها العقل الباطن ويترجمها ويمشيك على اساسها


وش اللي ماقدرت احط
اهداف
انت رجال. والرجال غلط يوقف عاجز
ليش كذا
خوانك اللي كبرك واصغر منك احسن منك بايش
كلكم من دم واخد وتربيتو ببيت واحد والظروف وحده
ليش انت واقف مكتوف الايدي


دور ع وظيفه
وكافح
وانسى المرض والوهم
وكون نفسك وتزوج وشف اطفالك
وغير نظرتك للحياه

ابدا بنظره جديده
تحدى الظروف وتحدى الالم وتحدى كل شي
واوقف مع نفسك وقفة صادقه وطوع الظروف لنفسك
لاتنتظر احددياخذ يدك ويطبطب عليك
ولاتنتظر احد يشفق على حالك. اذا انت مارحمت نفسك وقاعد تحرق لي بيديك
لاتنتظر اجل من احد يساعدك