ا،السويدي

بيانات اضافيه [ + ]

رقم العضوية : 39248  تاريخ التسجيل :  06 2012  أخر زيارة : 17-04-2025 (05:42 PM)  المشاركات : 1,219 [ + ]  التقييم :  10

لوني المفضل : Cadetblue

خايفه وايد

السلام عليكم و رحمة الله و بركاته

بقولكم شيء ..

من كمن اسبوع كنت اتابع السناب و شفت واحد مسوي مقابله مع شخص مريض
بس ما كان يبين على شكله انه تعبان .. المهم ان قال انه مُصاب بمرض التصلب اللويحي
و كان يتكلم عن أعراضه و إن لازم اللي يحس بهالأعراض ما يهملها و الخ
أنا تأثرت بس ما وسوست يعني نسيت الموضوع عقب ..

انا من فتره يصير فيني شي
طبعاً غير الأفكار و الأحاسيس
الأعراض قصتها قصـه ..

أحس في شي في رجولي والله مادري كيف اوصف لكم
هو مب ألم ولا تنميل ولا تخدير
هي مثل حركات تصير في رجولي من داخل
و تزعجني ماقدر انام منها ..
يعني لو ألم مثلاً بآخذ مسكن بس هو مب ألم

و بعد أحس جسمي ما يكون ثابت كأنه في حد يحركه و يدفعه كل شوي
و حرقه فضيعه في رجولي و ظهري

ادري اللي سويته غلط بس عشان اتطمن كتبت ف قوقل عن الأعراض
طلع لي المرض اللي كان متكلم عنه الشخص هذاك
و خفت والله

في حد صار له ؟؟
هل هذا طبيعي مع القلق ولا رجولي فيها شيء ؟

المصدر: نفساني