نفساني - عرض مشاركة واحدة

24-03-2016, 08:48 AM

اخ رعد

العنوان ملفت ماشاءالله
واذا قصدت فيه الإساءة
فالإساءة تعود عليك انت

فكل اناء بما فيه ينضح..

ما كنت بعرف انه عندك كل هالمشاكل
اول مشكلة مع الحوراني
والمشكلة التانية مع المشرفين وتعيينهم
والمشكلة التالتة الرسائل الخاصة
والمشكلة الرابعة يمكن انا هههه

اذا مشكلتك مع الحوراني
يا حظك فيه
وفي قلبه الكبير
وفي سعة صدره
وفي قدراته وطاقاته الخارقة لتحمل أي شيء بما فيه الإساءات...
والأهم نواياه الحسنة وحسن الظن الدائم اتجاه الجميع..
معرفة هالإنسان اعتزاز وفخر ..
كل الإحترام لأستاذنا القدير الحوراني

واذا مشكلتك مع تعيين المشرفين
يا اخي والله هالمسؤولية كبيرة
مو مين ما كان يصلح للإشراف
يهمنا الحضور والتواجد
وكيفية التصرف في المواقف
والمشرف بكون تحت الإختبار لفترة
يعني الأمر مو سهل متل ما انت شايفه
كثير بتظلموا الإدارة..الله يسامح الجميع..ولنا الله

واذا مشكلتك مع الرسائل الخاصة
يادي المشكلة الكبيرة
ما بعرف شو مفهوم الرسائل الخاصة عندكم
الموقع نفسي والرسائل لأغراض معينة..
وبما انه يحتوي ناس مريضة بالتالي الرسائل مسؤولية وبدها رقابة
احنا بس مانعين الرسائل مباشرة
ولكن منوصلها عن طريقنا وقت حاجة الأعضاء الها
يعني القصة أمن وأمان..

واذا مشكلتك معي
حياك الله اخي
شو اللي زاعجك..تفضل وانا بسمعك