نفساني - عرض مشاركة واحدة

25-03-2016, 01:34 AM

صراحةً انا عني اشوف المشرفين عسل ويقفون معك ب جميع المواضيع ومتواضعين من الجنسين ولا فيهم اي مشكله بالعكس اكثر من مناسبين اما بالنسبه لإستحقاق الاشراف ف هذا لا اعلم به ، يمكن اني م كلمت احد المشرفين لكن يشهد الله من الي صار بيني وبينهم كلام مثل الأخ الوردي يشهد الله انه معسول ودوا الجرح العطيب ف كل موضوع يشارك ويدلي ب رأيه ، الأخت ظل إمرأه ونعم منها اشوفها كثيراً تواسي الأخوات وتقف معهم وهذا شيء مشهود لها بأنها تبذل مجهود كبير وتقضي وقت الله اعلم فيه بوقفتها مع الأعضاء ، اما بالنسبه للأخت امل الروح ف هذي بالنسبه لي حاله استثنائيه اني اعزها ف الله وقفت معي وقفه ساعدتني من بعد الله واخرجتني من دوامة وحيره كنت فيها ولله الحمد اولاً وأخيراً ، الله يجزيها عني خير الجزاء ما لقيت اهديها افضل من اني م انساها من دعائي وطلبت من امي تدعي لها كذلك وهذا ما استطيع اني اجازيها به . وبإذن الله انه كافي يعلم الله اني اعتبرها اختي والله الشاهد .

طبعاً ولا يهونون الأخوان ( الإستاذ الحوراني - واخوي الشاكر - وجميع المشرفين الي ما ذكرتهم ) طبعاً مشهود لهم على جهودهم واخلاقهم العاليه في التعامل مع جميع اعضاء المنتدى وبصراحة ما تحس بفرق ولا استصغار منهم ب انه مشرف وانت عضو وغيره ولا اطلب على كلامي اي شكر هذي جهودهم ويستحقون الثناء عليها والله على ما اقول شهيد .