نفساني - عرض مشاركة واحدة

26-03-2016, 03:49 AM

بسم الله الرحمن الرحيم والصلاة والسلام على اشرف الأنبياء والمرسلين نبينا وحبيب قلوبنا محمد واله وصحبه الى يوم الدين ،
وبعد :
اخوي رعشني حضورك شد انتباهي تحريصك على الأخذ ب الرقيه وترك العلاجات النفسيه وانك متأكد ب انها امراض روحيه لا نفسيه ومن الواضح انك تملك خبرهه بهذا الموضوع .
طبعاً انا مقتنع بكلامك بنسبة كبيرهه واشجع عليه لكن ودي انك تدعم هالكلام بأدله لو تسمح لجل تزيد القناعه اكثر ومثلك عارف ان احنا بوضع يشدنا الكلام الي نقتنع فيه كلياً .
بالنسبه لي استخدمت تقريباً جميع الحلول بما فيهم الرقيه والعلاجات الأخرى ولا انكر الفوائد العظيمه لهم ، لكني اصدقك القول اتكاسل في بعض المرات رغم اقتناعي بالأمر لأنه في بعض المواقف يلتبس علي الأمر فيه انه مرض نفسي واتكاسل عن الرقيه .
في اخر فتره اصبت بنوبة شديده جداً طرحتني الفراش ، عندها قلت ليه ما اعمل بكلامك والتفت لرقيه مع اني ما كنت استطيع اقرا او اصلي كنت شبه ميت حي المهم اني استعنت بالله وقمت لصلاة الليل من جلوس وفي الركعه الأولى قريت الفاتحه وسورة يس وكنت اتثاوب واحس بغازات ولوعه شديده لكني واصلت المهم في الركعه الثانيه قريت الحمد وبعدها سورة طه وعندما وصلت لآيات السحر حسيت ببرود شديده اطرافي غدن ثلج وحسيت مثل السطل ثلج ينصب فوق راسي وما استطعت اكمل الركعه الثانيه .. بعدها رحت للفراش ونمت ورأيت منام عجيب المهم اني بعد ما صحيت حسيت ب تحسن بسيط جداً اليوم الثاني نفس الشي ونفس السور واضفت زيت الزيتون على جسمي كامل وحسيت بحراره شديده في منطقة البطن ما خلتن انام المهم اني كافحت الى ان نمت وكنت كثير اتفزع وانا نيم .. لما صحيت حسيت ب اني افضل بشكل ملحوظ المهم اني ابتديت اكثر من الرقيه واحس بتحسن تقريباً 30 ب الميه .
وهذا انجاز اعتبره معجزه في هذي الفترة البسيطه .
السؤال ي اخوي وش الي اقدر اسويه اكثر لأصل لقمة الشفاء وانا متفائل جداً بالعلاج الروحي الا اني انتظر منك الدعم ولا امر عليك + حسب خبرتك الأعراض الي احس فيها مع هذا العلاج على ماذا تدل .

المصدر: نفساني