نفساني - عرض مشاركة واحدة

27-03-2016, 10:52 AM

اقتباس:

المشاركة الأصلية كتبت بواسطة هلكانه

اقدر اشغل نفسي عنه و اقدر بس لما اشغل نفسي اقول اخاف يجيني شي وانا مو منتبهه له فهمت شلون
يعني اقول اخاف اشغل نفسي و كيذا و أنسى بعدين يصير لي شي هو اقوا مني يجيب اشياء و أفكار مدري شلون والله العظيم
و حتى احيانا اقول خير ياطير خل أمرض و اموت عادي كلنا بنموت بس لمن افكر بسكرات الموت و أني بشوف الملائكه يمممه وربي اخاف
اقول كيف بيكون حالي الحين اذا جايني ضيق تنفس مدري وش يصير فيني اجل شلون لمن تطلع روحي
معليش على هالكلام بس ابي أوصل لكم انا وش احس فيه بالضبط !!

يعني مثلا اقدر اشغل نفسي بالمطبخ او اقرأ كتاب او ازور صديقاتي
بس اخاف اشغل نفسي ويجيني شي
انا ادري ان افكاري تقهر و ماهي طبيعيه بس امانه لحد يقسى هذا الشي غصب عني
و حتى لمن أتكلم مع احد ارتاح كم يوم و ارجع ثاني مره
مره الحياه مالها طعم بنظري):

ونشكر الاخوان اللي معي متفاعلين بالموضوع
الله يجزاهم خير

انا ايضا استفدت منهم

ماشاء الله الحمدلله انه فيه اوقات تشغلي نفسك وتشعري بشيء من الراحه الحمدلله ان شاء الله ما تحتاجي لا دكتور نفسي ولا ادوية بإذن الله

هذا هو الوسواس انه اخاف اشغل نفسي ويجيني شيء شنو بيجيك ..؟؟

اللي بيجيك او بيصير لك يجيك لو انت نايمه مشغوله فاضيه ... كل الحالات

فهذا الوسواس ما يبغاك تشغلي نفسك لانه طريق العلاج لك

هناك ثلاثه امور مهمه جدا جدا جدا

الصحه - الحالة الروحيه - وقت الفراغ

الحاله الصحية :
ابغاك في اقرب فرصه تعملي تحليل لجرثومه المعده وتشوفي القولون وفيتامين دال

وياليت ياليت ياليت يكون اليوم ..

يالله نبغى نشوفك تروحي وتعملي بس هالتحليلات البسيطه بس

الحالة الروحيه :
الحمدلله انك مسلمه فالحمدلله الامور بسيطه ان شاء الله
فقط ضيفي مع الصلاة كل يوم قراءه عدد من صفحات القران الكريم
الاستمرار والمداومه على الاستغفار
والدعاء في حاله السجود

وقت الفراغ :
اعملي جدول لوقتك
كل يوم لمدة نصف ساعه مشاهدة مقطع او محاضرة مفيده ومحفزة ( راي شخصي ارشح لك تسمعي للدكتور أحمد عمارة )

قراءه لمدة نصف ساعه في كتاب ( راي شخصي ارشح لك كتاب كيف تتخلص من القلق وتتمتع بالحياه .. ل ديل كارنيجي )
اليوم روحي اشتري الكتاب ..
واذا تحبي اشتريه لك وارسله لك ... المهم تقرائي كتب حلوه

اسف طولت عليك بالرد ( لاني بالعمل )

وطولت عليك بكثرة الكلام

وان شاء الله باقي الاخوان ما يقصرون معك ومعنا

انتي بس قولي يارب