نفساني - عرض مشاركة واحدة

28-03-2016, 03:01 PM

بسم الله الرحمن الرحيم والصلاة والسلام على اشرف الأنبياء والمرسلين نبينا محمد واله وصحبه وسلم تسليماً كثيرا
اما بعد :-
اولاً احب اشكرك اخوي رعشني حضورك على تجاوبك وردك الوافي الي تشكر عليه صراحة بالنسبه لسؤالك عن الرؤيا فقد رأيت اني مقطوع من النصف يعني نصف رجل وكنت جالس في حيرة وابكي في المنام بعد ذلك صحيت ، اما بالنسبه للتأكيد بأدله فأنا ولله الحمد ما عدت محتاج لذلك وبصراحة موضوع المقطع جداً يشد وتفسيراته جداً منطقيه ومقنعه .
بالنسبه لحالتي الحاليه فأنا مستمر على ما ذكرت من برنامجي في الرقيه ولكن وللأمانه اوقفت زيت الزيتون واوقفت قراءة سورة طه وسورة البقره وفقط مستمر على المعوذات وبعض الأذكار لأني اصدقك القول بعد ما شعرت بالتحسن كثفت الرقيه واستغفر زادت الوساوس والهلع والأرق والغثيان وكره الرقيه وحسيت اني تعبت اكثر من ما كنت تعبان اعراض ما كنت احس فيها جاتني بهاليومين وبصراحه كل يوم كابوس وانا ولله الحمد م كنت احلم بهذا العدد المرعب اي اكثر من 10 كوابيس ب يوم واحد فقط ناهيك عن الألم في البطن والغازات الي تمنعني اكون متوضي ، من هنا يا اخي ودي اسألك هل منهجي في الرقيه غير سليم ولا ليه زادت الأعراض بهذا الشكل بعد ما شفت تحسن مبهر رجعت حالتي تتدهور والى الان مع اني خففت الرقيه جداً الا اني للان اعاني من ذلك .
وتأكد ياخوي رعشني اني ماني موقف الرقيه وبستمر ومقتنع الان تقريباً 95٪‏ واكثر انه مرض روحي ولا ليه القرآن يسبب لي هذي الأعراض مع العلم اني كنت اقرأ قرآن دائما ولكن نصحني واحد من اخوياي اقرأ القرآن بنية التخلص من المرض ومن الشياطين وانا من يومه اصبحت كذا بعد ما صرت اقرأ بنية معينه .
من هنا ياخوي ودي ولا امر عليك انك توجهن وش اسوي الحين وش اخلي ؟