نفساني - عرض مشاركة واحدة

04-04-2016, 06:23 AM

السلام عليكم ورحمه الله وبركاته
انا من فتره طويله اعاني من اكتئاب من عمري 17 سنه و كنت اتعالج بدواء faverin طبعا وصفته لي الاخصائيه
قطعته من نفسي
مرت فتره طويله و رجعت لي انتكاسه اقوى و دخلت بمتاهات اضطراب الشهيه ( النهم )
و حاولت آخذ دواء عشبه القديسييييين
الحين عمري 23 سنه ...... تاركه كل شي
احس باعراض ثنائي القطب
مزاجي تقلب بشكل حاد جدا
احس يسري بجسمي نشوه تحسسني بسعاده غير طبيعيه ! من غير اي سبب و بعدها بايام تقريبا ثلاث
احس اني فاقده الرغبه بالحياه اصير متبلده و منغلقه على نفسي و نفس الشي من غير سبب
تجيني فترات اضطراب النوم
لما اكون مهلوكه نووووووم مايجيني نوم
ان تكون عيوني فيها نوم بس مو قادره انام و عادي بكامل نشاطي !
نومي قليل خمس اربع ساعات و اصحى من نفسي
- اكرهه اي صوت حتى صوت المضغ الطعام يثير اعصابي
جد نفسي اعيش بجزيره مغلقه ما اسمع اي نفس
- بسرعه استثير و ردات فعلي عنيفه لاشياء ماتستاهل < ذا كلام اللي حولي !!!!
- انا عموما هاديه و كلامي قليل بس لما احس بنشوه اصير بس اتكلم و اضحك و اطلع من موضوع لللثاني يعني جد اصير انسانه ثانيه
مافي سبببببب واضح لحالتي لا عوامل خارجيه و لا مشاكل
حياتي حاليا الحمدلله مستقره
كيف التشخيص الدقيق لثنائي القطب ؟ ما اشوف فيه تفاصيل ممميزه ؟ و قريت كثير و مافي شي ممممميز بهذه الحاله ؟؟؟
انا بإكتئابي الاول كنت حزينه جدا و كل يوم ابكي و فاقده الشهيه للاكل و معتكفه بفراشي ادري مو معلومه مهمه ! بس حتى لما كنت آخذ الدوا كنت احس بتبلد المشاعر
مو بسعاده
اكتئابي الثاني صرت العكس عندي شراههه ع الاكل و تبلد فضيع بالمشاعر و الرغبه بالعزله و لما اخذت عشبه القديسيين احس بسباهه
كأن تفكيري " دماغي " منفصل عن جسدي ، اشبهه باللي يخليك تمحي الافكار من راسك
الحين نفس الوصف اللي قلته بمشكلتي مزاجي متقلب
ثلاث ايام فووووووووووق سعاده و نشاط خيالي و ثلاث ايام او اسبوع اكون تحت حتى مالي خلق اتكلم
و كل ذا من غير سبببببببب
و فيني شوي عدوانيه و صرت هجوميه و حاده :(
انا ما الاحظ نفسي هالملاحظات من الاشخاص القريبين مني !!!!

+ سؤال ثاني مدري لو احد يقدر يفيدني
انا بديت الاحظ لما آخذ بندول عادي مو نايت
احس بإرتفاع بسيط بالمزاج و الاسترخاء يدب بجسمي
شكرا لكم
اتمنى اجد حل او معلومه

المصدر: نفساني