|
ماذا حدث لما جتني نوبة الهوس
سلام يا اخوان كيفكم ان شا الله بخير وصحة وعافية
اللي يعرفني يدري ان الدكتور مشخصي اكتئاب ذهاني وثنائي القطب المهم لما جتني نوبة الهوس
تعرفون الواحد يصير عندة ثقة عالية بنفسة وخبال في نفس الوقت المهم وقتها كنت متهاوشة مع اهلي
( العائلة كلها امي وأبوي واخواني ) المهم جان اعصب جان أطق سيارتي سلف واطلع من البيت الساعه
وقتها كانت 9 باليل يعني هذا الوقت لازم أكون بالبيت بس انا كنت معصبة وطلعت من البيت وسُقت سيارتي
والله لايوريكم شنو صار كنت أسوقها بسرعته 200 ولا يحدوني شباب المهم صارت أشياء كثير وطفت اشارتين
حمراء + دعمت 3 أشخاص وكسرت كلهم جامت السيارة المهم بدعت بعدها رجعت البيت علي الساعه 5 الفجر
لاتسالوني اشلون رجعت المهم رجعت ولا اهلي يقولون انتي وينج حنا ماخلينا مكان مادورناج فية وحنا مسامحينج
المهم بعد شنو مسامحيني بعدها اليوم اللي بعدة الشرطة نادوني لان واحد من اللي داعمتهم سجل رقم السيارة
واشتكي علي في المخفر المهم كانت ليلة سودة من ليلي حياتي وحياتي مليئة بالقصص
|