عفنا و تبنا و انتهى ماضي فات
ما فات مات و لا لنا فيه كـــــره
دام الهوى يا أهل الهوى فيه لوعات
و قلوب مافيها من الصدق ذرة
ما عاد لي في موطن الحب رايات
و لا عاد لي مع صحصح العشق جره
أسهر طوال الليل و أعيد لحظات
و أذكر زمان فات لله دره
هيهات يا أطهر عشق هيهات هيهات
ما ينجلي عن صافي البال مره
يوم النقا بين المحبين ما مات
و يوم الشقا قاطع عن الناس شره
قبل العنا و المصلحة و الخيانات
و قبل الجفا لا يجرنا للمضرة
يا لعنبو حب السنين الأخيرات
و يالعنبو وقتن كوى الكبد حره
https://