السلام عليكم ورحمة الله وبركاته ،،
اكتب لكم قصة من قصص
المكتئبين
راجعت الدكتور وكنت يائس جداً من فعالية الأدوية النفسية
قلت للدكتور يا دكتور الخمول الشديد والتعب الشديد تعبني
جربت فتامينات جربت جنكسين اف منشط الدورة الدموية جربت القهوة والشاي
جربت ولا تحسنت ، المهم كتب لي الدكتور
ويلبترين وقلت له يا دكتور انا مجربه قبل
مافيه منه فايده ، قالي هذا افضل دواء منشط ، طلعت من عنده ورحت البيت كعادة على طول للسرير
لاني تعبان ، جلست ابحث في صديقي العزيز قوقل عن منشط للخمول وقريت عن أدوية لكنها مقيدة ولازم وصفة
قريت استشارة للدكتور محمد عبدالعليم عن دوائي وقال ان الجرعة ممكن 300 وفيه بعض الحالات تحتاج 450
فكرت وقلت شكل حالتي شديدة واحتاج اخذ جرعة 450 لأن الخمول والتعب اللي عندي مو طبيعي
، دورت ورقة الوصفة وكانت طايحه تحت السرير لأني رميتها وكنت يائس منه لأني خبره 11 سنة بالاكتئاب
اخذت الوصفة ورحت الصيدلية وشريته واخذت جرعة 450 وبعدها بثلاث ساعات حسيت بنشاط والخمول والتعب الشديد راح عني
الحمدلله صرت اقوم وانشط بكثير بس اعراض الاكتئاب الثانيه موجوده يمكن تتحسن مع الوقت المهم الخمول والتعب المزري راح عني .
وتركت القهوه والشاي والجنسنق . هذي قصتي مع
ويلبترين واخذ معه بالليل ريميرون عشاني يهديني وانام لأن
ويلبترين منشط .
واللي عنده خمول شديد وجرب
ويلبترين بالجرعه القصوى يقولنا تجربته . كل جسم له قابلية تختلف عن الآخر وهذه مجرد تجربه شخصية
. اكتب قصتي عشان اعطي امل بالدواء ، أهم شيء الأمل والتفاؤل .
تمنياتي لاصدقائي
المكتئبين حياة سعيدة .
هذا رابط عن استشارة د. محمد عبدالعليم
http://consult.islamweb.net/consult/...ails&id=271845