ابومها

بيانات اضافيه [ + ]

رقم العضوية : 46264  تاريخ التسجيل :  02 2014  أخر زيارة : 09-04-2019 (12:45 AM)  المشاركات : 8 [ + ]  التقييم :  10

لوني المفضل : Cadetblue

اخوي الله يوفقك ويسعدك ويشفيك يارب شفاءا عاجلا غير اجل
شوف يا عزيزي بقول لك موقف مر معي تقريبا نفس حالتك
بيوم من الايام حضرت عرس لواحد من اخوياي في العمل المهم مالك بالطويله من يوم دخلت الباب جتني رعشه حسيت اني شايب قمت اتنافض لدرجة ابي اتقهوى ما قدرت يدي ترتعد وحطيت الفنجال على الطاوله خفت ينكب على الثوب وتصير سالفه 😂
ما بقول لك اني قاومتها وما ادري ايش وشديت على نفسي بالعكس الكل لاحظوا وانتبهوا لي لدرجة المعرس اللي هو صديقي جلس بجنبي ودرا الحوار التالي
المعرس: ياولد فيك شي تبيني اوديك المستشفى
انا: لاوالله بس اني بردان <<الكلام هذا بعز الصيف
المعرس: بلا نصب فيك شي علمني لاتكابر
انا : يارجل انقلع شف الرجال جايين يسلمون انت بجلستك عندي اربكتني بزياده خلاص روح وانا اذا بغيت شي بقول لك😂

وعدى الموقف هذاك على خير ولله الحمد

اللي ابي اوصله ان الوضع اللي انت فيه طبيييعي لأبعد حد وانا متأكد انها فتره وتعدي
واختبائك من المشكله ما يحلها

اسئل نفسك قبل لا تروح عزيمه او قبل لا يجونكم ضيوف
طيب لو احد لاحظ وضعي وش بيصير؟
وتخيل اسواء موقف يمر عليك
انا بالنسبه لي كان الموقف اللي اتخيله انهم بيضحكون علي او يعتبروني خواف
و ارد عليها طيب و ضحكو وشافوني خواف وش المشكله خلهم يضحكون ع الاقل نضحك معهم
وصدقني بترووووووح من نفسها