مصطفى وخلاص

بيانات اضافيه [ + ]

رقم العضوية : 53392  تاريخ التسجيل :  04 2016  أخر زيارة : 09-01-2021 (08:35 PM)  المشاركات : 10 [ + ]  التقييم :  10

لوني المفضل : Cadetblue

أسوأ أيام حياتي

من زمان و كأن في حد ضغط على زرار حياتي وعمل لها توقف ... من سنين مش عارف اتقدم خطوه واحده لقدام في اي مجال .. مع ان الناس اللي حواليا بيتقدموا .. لكن انا واقف محلك سر .. اللي معايا اللي كنت انا سابقهم بكتير بقوا هما اللي سابقني بكتير واللي بعدي سبقوني برضه بكتير وانا لسه واقف محلك سر مش بتغير ولا بتقدم .. لا انا بتدهور اوي ... قي كل مجالات حياتي .. الصحيه والعمليه والفكريه والنفسيه وكل حاجه .. انا بعجز فعلا و لسه حياتي واقفه عند نفس النقطه ... سبت شغلي و مش عارف اتجوز ولا اخد شقه ولا اذاكر ولا اخلص الشهاده اللي بداتها ولا اتعلم اي حاجه تانيه ولا حتى اني افكر في اي حل للمشاكل دي ... بقيت اصحى كل يوم وانا هدفي الوحيد هو ازاي هخلص من اليوم ده .... بقيت لما اروح انام اتمنى اني مصحاش تاني .. وبفضل ادعي اني اموت و اتخيل اني بندفن او بتحرق او بغرق او اي موته بحس انها احن عليا من العيشه اللي انا عايشها .. انا حاسس ان تغيير حياتي للاحسن حاجه سهله جدا بس برضه حاسس ان فيه حاجه مانعاني من اني اعرف اغيرها .. كأني شايل على ضهري حجر كبير مانعني من اني اتقدم خطوه واحده بس لقدام .. مع ان كل اللي محتاجه هو خطوه واحده بس .... لكن فعلا مش قادر ... و كل اللي حواليا كل واحد فيهم مشغول بنفسه بمشاكله بهمومه بافراحه بمستقبله ببيته بعيلته بحياته ..، الا انا .... اصحى لوحدي اقعد لوحدي انام لوحدي حاسس اني هموت من الوحده? .. انا فعلا بتعذب ... فعلا مش عاوز العيشه دي ... فعلا بقول يارب اموت ..اكيد اني انتهي وسط التراب والدود هيكون المه اقل بكتير من اللي انا حاسسه دلوقتي ... انا مش عارف هيكون مصيري ايه بعد الموت ... بس فعلا انا قابل اي حاجه .. اي حاجه .... بس اخلص من العيشه دي ... مش عاوزها .. ياريتني ما جيتها من الاول .... الايام اللي هي المفروض تبقى اجمل ايام حياتي ... هي اسوأ ايام حياتي .....

المصدر: نفساني