|
قصتي كما هي ارشدوووني وش اسوي ؟
السلام عليكم
هذي اول مشاركة لي بالمنتدى الرائع 😐
حبيت افضفض لكم همي عسى ارتاح لاني احس اني بموت من كثر مااكبت همي بقلبي .💔
بداية قصتي كانت اول مارجعت من السفر دخلت البيت وكان مظلم نسيت اشغل الاضاءة وحسيت بوحشة اول مادخلت المهم سميت باسم الله ودخلت غرفة النوم ونمت بعد ماصحيت حسيت اني ماني طبيعي حسيت بثقل براسي وكاني ماصحيت من نومتي 😴 المهم تعوذت من الشيطان وحاولت اسلي نفسي لكن عجزت اخذت يوم ع هالحله بعد كذا قلت بنفسي ليش استنى اكثر رحت لمختبرات الفا سويت تحليل شامل طلع عندي نقص فيتامين د واملاح معدنية واخذت التحليل ورحت لطبيب عام عندهم ووصف لي حبوب 5000 وحدة مرتين باليوم ..من هنا بدت معاناتي😦😦
دخلت ع مواقع نقص فيتامين د واعراضه واسبابه ومضاعفاته ووووومدري ايش .... انلحس مخي تشدد راسي وجتني الام بالرقبة وحرارة وبرضو دخلت ع مواقع النت واشوف وش اعراض شد الراس والام الرقبة طلعت لي الف علة وعلة اخذت ع الحالة هذي اكثر من اسبوع والنوم ماانام الا ساعة او ساعتين وكوابيس واحلام مزعجة وحالتي غير مستقرة كل شوي تطلع لي حاجة بعد ماذبحني الصداع رحت سويت حجامة بصراحة اول يومين ارتحت شوي وخف الصداع والشد اللي بالراس .
ورحت لدكتور مخ واعصاب قلت له عن الشد والصداع وعلمته ان سويت تحليل شامل وطلع لي نقص فيتامين د وان الدكتور وصف لي حبوب 5000 وحدة مرتين باليوم . انفجع الدكتور وقال لي دا كتير اوي وقفهن فورا ووصف لي كالسيشو د3 600 مل وحبوب زيلاكس 10 مل وقال لي انت زي الفل مايحتاج تاخذ حبوب 5000 انت شاب 😦 ريحني صراحة كم يوم . قريت عن الزيلاكس وان له اعراض انسحابية صراحة قلت اخاف ادمن عليه ووقفت ع طول بعد اول يوم واستمريت ع الكالسيشو د3 . ومن ذاك اليوم الى الان وانا النوم ماارتاح فيه ابدا افز كل فترة وفترة واحلام وكوابيس واحس اني ماصحيت من نومتي اللي نمتها اول مارجعت من السفر .
وانا كل شوي اطمن نفسي واقولها انا طيب مافيني شي ليش انتظر يجيني شي . بس مااخذ وقت الا وارجع للافكار الوساوس اللي جننتني ...
وعلى فكرة اخذت ماء زمزم مقري وعسل وحبة البركة ولكن لسى احس اني ماتحسنت وكاني كل يوم انتظر عرض او مرض يفاجئني بصراااااحة تعبت تعبت من حالتي اللي اتمنى ان الله يفرجها علي ويفرج هم كل مهموووم .
وبصراحة اكثر ارتحت للمنتدى هذا وقلت اكتب قصتي لكم لعل وعسى ان اجد ضالتي هنا . ياليت تساعدوني وترشدوني وش اسوي ؟؟؟؟؟ 😦😦😦
|