السلام عليكم ورحمه الله وبركاته
اسعد الله صباحكم / مساكم بكل خير
بصراحه انا متابع للمنتدى من سنه تقريبا والحين حان الوقت ان اكتب لكم قصتي
اصبت في اول نوبه هلع في شهر 12 سنه 2014 وانا اسوق السياره وكان الوقت متاخر دقات قلب سريعه دوخه تعرق شلون وصلت الطبيب ما ادري المهم دشيت الطوارئ انتهى كل شي واكلم الدكتور فحصني وسوا لي تخطيط قلب وفحص وقال كل شي سليم يمكن تعب ارهاق ومشيت ورديت البيت وثم تكررت علي وانا في مطعم وتكررت علي في المقبره واكثر ما تكررت علي في المسجد وخصوصا صلاة الجمعه ومن بعدها بدت معاناتي في المستشفيات والاطباء والفحوصات من مستشفى حكومي ومستشفى خاص وكل شي سليم ولله الحمد طبعا قطيت مبالغ علي المناظير للمعده وللقالون واشعه وتحاليل ما يقارب 4000 دينار واستمرت معاي الي شهر 8/2015 ومن ثم بدا الكفاح من لحضه هذي للعلم ثمان شهور انا ما ادري شفيني تعبت من كل شي من الدوام من الجلسه مع الشباب من الطلعات ومن قياده السياره ما كنت اسوق كان السايق يوديني ويجيبني وطبعا طلعاتي كانت كلها الي الطبيب ومن كل شي حولي بس ابحث عن حلول في جوجل وليت دريت بلي فيني من اول نوبه هلع جاتني لكن الحمد الله علي كل حال وفعلا علمتني النوبات اشياء كثيره مثل مالها سلبيات لها ايجابيات وليتنا نظر للايجابيات ونترك السلبيات الي فيها المهم في شهر 8 قررت اني اعود كما كنت بسابق قمت اطلع بسياره بروحي صحيح كان يجيني توتر لكن كنت اقاومه ورديت لدوامي وانا في كفاح مع الافكار وكنت اتجاهلها واقاوم لين الحمد الله كسرت حواجز كثيره منها قياده السياره والعوده الي الدوام وحضور المناسبات من اعراس وعزائم ودوايين صحيح يوجد ارتباك وتوتر بس بالانشغال بالحدث يذهب كل شي وصلاة بالمسجد والخروج الي المجمعات وسفر بسياره كل الاشياء هذي كسرتها انا لا اقول لكم ان التفكير انتهى مني ما زال موجود لكن متجاهل فيه ومعاد ياثر علي مثل اول يجيني خفقان وتجيني دوخه وتوتر وقلق واقول في نفسي هذي اعراضها وما راح تاثر علي عكس ما كنت عليه اول الي بوصله لكم الهلع ما يروح الا بالمواجهه والحمد الله بديت اتغلب عليه من غير حبه دواء ولله الحمد تغلبت عليه بالاصرار والعزيمه لاني انا ابي اتغير نصيحتي لكم يا اخوان والله الهلع شي تافهه ولا تتبعونه بتعبون ابتدو انتو بتغير غيرو من نفسكم من التفكير بالشي الايجابي كم قلنا بنموت او بيغمى علينا او بيصير ويصير ولا صار شي الحمد الله باحسن حال ماهو الا تفكير سلبي غير فكرتك تتغير مشاعرك ثم يتغير احساسك انا لا اقول لكم انت تشافيت 100٪‏ لكن وصلت لمرحله 80٪‏ في ثمان اشهر وان شاء الله نوصل الي نسبه 100٪‏
لا تركزون علي اعراضكم ركزو علي كيف تتغلبون عليها وانا ما زالت معاي الدوخه والتوتر والقلق بس معاد يعيق حياتي مثل الاول بس خفت كثير عن الاول وربما الدوخه الي معاي بسبه خشونه الرقبه لان معاي خشونه فيها او من القالون لان معاي سوء هضم وانتفاخات وغازات بالمعده اتمنى لكم حياة سعيده والشفاء العاجل لكم وانا حاس في معناتكم لاني مجربها لكن صدقوني ما راح اتغيرون الا لين تعزمون علي التغير انتو ونصيحه لكم لا تقرون شي عن الهلع من اليوم ورايح ولا تبحثون ورا الاعراض الي اجيكم اقرو قصص الي تشافو منها خلو عندكم تفائل ان بجي اليوم الي تكتب فيه قصتك شلون تخلصت منها والله ما يرجعنا ورا الا لما نقرا عن الهلع او اعراض غيرنا نصيحه لكم يا اخوان وخوات واجهو خوفكم ادري بتقولون شلون صعب مافي شي اسمه صعب واجه مره مرتين ثلاث اربع عشر وثم تصير الامور سهالات بالبدايه صعبه لكن تسهل بعدين وان شاء الله الشفاء قريب باذن الواحد الاحد
الشفاء عكس المرض المرض ياتي بسرعه لكن الشفاء ياتي بتدريج وبصبر وعسا الله لا يحرمنا اجر ما عانينا منه واسف علي الاطاله
وجعل ربي يشفى مرضانا ومرضى المسلمين