المشاركة الأصلية كتبت بواسطة عبدالله سلمان

أذكر وأنا صغير كان عندي حلم إني أهاجر لأستراليا لوحدي وأعيش هناك مع بطلة فلم للأطفال كان عندها مركبة وتتنقل في الماضي والمستقبل .. طبعا كان تفكيري مو للبنت كنت أبي المركبة ومكان جديد


ما أعرف وش السبب اللي خلاني أفكر ذاك التفكير وانا يمكن بسن 14 سنة ... الظاهر ميول إنطوائية منذ الطفولة هههههههه


بس ولا يهمك مجرد التفكير هذا والسرحان يعطينا إجازة مؤقتة ونقدم على الحياة بشكل أكبر ... ولولا الضيق ما أكتشفنا سعة الحياة .. ولا نعرف لو إننا في سعة دائمة يمكنا تغرنا الحياة ونتوه فيها على باطل


دائما أفكر بالطريقة هذي لما تضيق الدنيا بعيني ... المهم إننا نعرف إن كل شيء في هالحياة مؤقت وينتهي ، سواءاً حزن أو فرح .. إجتماع أو فراق .. الأفراح والحياة الأبدية المثالية في الجنة الله يجعلنا من أهلها


ولو نفكر قد ايش احنا محظوظين .. تعالوا نعد سكان العالم .. 7 مليار ونص تقريبا .. خمس هالعدد فقط هم من المسلمين ... يعني واحد من أصل خمسه على التوحيد ومن أهل الجنّة بإذن الله .. أمانة مو محظوظين والله أنعم علينا أن ولدنا مسلمين ؟


يالله افوتك بعافية ... من زمان على الكتابة لذلك ردودي طويلة ههههههه


الله يسعدك بالدارين يارب ويعينك على الدنيا بخير