نفساني - عرض مشاركة واحدة

25-04-2016, 01:01 PM

اقتباس:

المشاركة الأصلية كتبت بواسطة اروى محمد

جزاك الله خيرر .. ربي يسعدك دنيا واخره مراا ريحني كلامك
مالي الا الدواء لاني مااقدر اسيطر ع نفسي يضيع يومي بالتفكيرر
مشكور اخوي والله ماقصرت 🌹

مرحبا اختي ... لاحظت إنك ما قدرتي تنتظمين بخطتنا هههههه

بس ما عليه .. إذا مره مره مو قادرة تتعاملين مع المشكلة ولها فترة طويلة معك شوفي مثل ما قال الأخ .. طبيب نفسي محترم يحط لك خطة واضحة ومحددة ماهو يطلّع فيك مليون علّه ويصرّفك بسرعة

الوسواس أمره بسيط بإذن الله ولكن تذكري دايما وأبدا إن الشفاء من الله .. ثم من جهدك إنتي ومساعدتك لنفسك بالقضاء على الأفكار .. الدواء يهيء لك الطريق ولكن إنتي اللي تقودين نفسك .. بفكرك وطريقة جديدة لإدارة أمورك والضغوطات اللي تمر عليك بالحياة ... مهما كبرت الضغوط النفسية والمشاكل في الحياة وتبددت أحلام وضاعت فرص تأكدي إن الحياة مستحيل تمشي فينا على مود واحد .. لا الحزن يدوم ولا الفرح يدوم ونعمة الصحة وخصوصا النفسية ومداراتها شيء مهم

أنبّه عليك مره ثانية بإن الدواء أداة مساعدة وليس علاج نهائي ... المطلوب منك الصبر والإنطلاق بالحياة من جديد وبتصبحين أقوى بإذن الله ومتفهمه أكثر لنفسك وللحياة وتتجاوزين القلق والضغوطات بشكل أحسن في المستقبل بإذن الله

كل تجربة في الحياة نطلع منها بفوائد والضربة اللي ما تقتلك تقويّك ... المهم إنك تتطورين ولا تعتمدين على الدواء ... تذكري إن إبن آدم عنده طاقة جبّارة كامنة في داخله .. ولابد إنه يتعلم كيف يستفيد منها تلقائياً

الله يشافيك ويعافيك ويوفقك