المشاركة الأصلية كتبت بواسطة عبدالله سلمان

اهلين ...ايوه انا لاحظت إنك ما قدرتي تنجحين ولو بيوم واحد


أولا حطي في بالك حاجه وحده .. إنتي أكثر إنسانه في الكوكب أعلم باللي تعانين منه من ظروف وضغوطات وترسبات بسبب ذيك الضغوط .. ولذلك القرار لك وردي الأخير ما أقصد فيه إنك تصبرين أكثر ولا تعملين شيء


أنا أقصد بما إنك مو قادرة نهائيا على التطور بدون علاج .. مافيه مانع تزورين طبيب نفسي محترم يشخصك بالشكل الصحيح ومع الدواء النفسي والعلاج السلوكي ترجعين أقوى بإذن الله

الإنسان بوسط المعمعه والمشاكل والضغط النفسي أحيانا ما يقدر يوزن الأمور بشكل كافي ويكون عقلاني في التعامل معها .. خصوصا إذا كانت الضغط النفسي متراكم من سنوات طويلة


وانتي اذا رحتي الطبيب انفضي كل اللي بمخك عنده حتى يعرف يشخص حالتك مضبوط ... وياليت الأخ يعطيك رقم الدكتورة اللي بالأردن تتواصلين معها .... وأعيد وأكرر الدواء النفسي ماهي حبة تاكلينها وتقومين تركضين مافيك الا العافية ... يحتاج منك جهد في مساعدة نفسك وتطويرها والإندماج في المجتمع بشكل طبيعي .. البعض يستخدم الدواء ويقفل الأبواب والشبابيك ويتشبث بالحزن ويسترجع شريط " الأحزان " ويأسى على الماضي ويبقى حبيسه ولا يطور نفسه من ناحية التعامل مع متغيرات الحياة وضغوطها ... ثم اذا مرت سنة وخفف الجرعة أو قطع الدواء رجع لنقطة الصفر لأن تفكيره وروتينه هو هو ما تغير


أتمنى الفكرة وضحت بشكل كامل