نفساني - عرض مشاركة واحدة

26-04-2016, 06:35 PM

ما احد راح يجي ويتهمك او يعقب على كلامك ب السيئه على العكس تماماً لما تتكلم ب اسلوب لين مثل الي انت الان تتكلم فيه صدقن الكل يرحب ب فكرتك واولهم والله اني افرح وتجيني طاقه ايجابيه من مواضيع الشفاء ومن المصداقيه لكن انا اعتب عليك ف كم نقطه اذا كان البعض يحب الاسلوب الجاف والعنيد ف تأكد ان الاغلب م يستسيغ الطريقه هذي ثاني شغله انك تعمم ب كلامك ثالث حاجه ان فيه ناس م خلت سبيل الا لجأت له من بعد الله ولم يأذن الله ب شفائهم رغم المحاوله لزوم انك تستوعب الحالات هذي بعدين تختار الاسلوب والطريقه والطرح ، الان ب اخر رد لك ب العكس اشوف انو رد لين ويستحق الواحد يرد عليه ب كل اريحيه التعصب م يجي ب نتيجه للأسف وتأكد اني اكتب لك ردودي وانا فرحان لك من كل قلبي ب شفائك وكانت وجهة نظري ان العلاج لوه اكثر من سبيل ومن ضمنهم الدواء انا ماني ضد الدواء ابداً على العكس تماماً لكن انت الله يهدينا وياك شوي متسرع ب كلامك وبردك مما يجعلني اتسرع بعد ،
ب النسبه لي وجهة نظرك احترمها و ع العين والراس ونصيحتي لك تقبل اي وجهة نظر وان كانت مخالفه لك وبالنسبة للأخ ماندوزا معلوماتي ماهي قديمه انا ع المنتدى اغلب يومي وسبب خروجه كان ايقاف من الإداره بسبب وصف دواء لأحد الأعضاء وما كان بسبب النقاش مع الأخ رعشني حضورك الله يوجه لهم الخير وين ماكانوا فاقدينهم للأمانه .
ب النسبه لي مرضي نوبات هلع + رهاب ساح + اكتئاب شديد مع وساوس وكله ناتج عن المشكله الاساسيه الا وهي الهلع وسبب تأخري ف العلاج عدم معرفة المرض ب البدايه الى 5 سنوات تقريباً ثم استخدمت بروكسات وصلت الى جرعة 20 دون فائدة لأكون معك صادق وقبل سنه ونص تقريباً مريت ب حالة وفاة ابوي ودخلت دوامة امراض لا تحصى استخدمت على اثرها سيروكسات جرعة 25 مع اندرال 10 وللأسف بدون فائدة ف تركت العلاج لأني تأكدت ان اصابتي ب المرض روحيه اكثر منها نفسيه واتجهت للعلاج الروحي ومستمر عليه وفيه تحسن والله يكتب الشفاء العاجل لي ولك ولجميع من قال امين .
اخيراً اخوي لا تحمل علي تراك اخو وجميعنا مرينا ب المرض ونعرف وش يسوي ب الانسان لذلك انا عاذرك واتمنى انك تعذرني لو اني اخطأت ب حقك دون قصد .