|
اللي تخلصوا من نوبات الهلع تعالوا
السلام عليكم
سبق وكتبت موضوع عن معاناتي مع الهلع
تنقطع فترة نوبات الهلع عني لكني اكون خايفة من وقت رجعتها لي وكذلك اخاف من الاحلام لدرجة اني مابي انام ومع ذلك تجيني احلام اخاف منها مااصحى مفجوعة لا اذا صحيت من النوم يبدا قلبي يدق بسرعة مع ان الحلم خرابيط واجلس طول اليوم اهدي نفسي لكن تبقى فيني روعة مع ان الروعة جاتني يوم قمت من النوم اول مافتحت عيني قلبي صار يدق بسرعة
هذا من جهة الاحلام
من جهة المرض اي وخز يجيني اقول هذا مرض خطير في يدي اليسار خلع من الكتف اذا خدرت اقول هذي جلطة مع اني ادري انو عسرت يدي وخدرت بسبب الخلع والاعصاب مو في مكانها وابدا اخاف وتجيني النوبة مهما كذبتها وحاولت اطنش ترجع لي مادري وش اسوي لها
هل الفراغ له دور فيها
وانا بفضل الله اولا واخيرا محافظة على صلاتي و اذكاري وقد مااقدر ابي اتجنبها لكن تجيني
بقول لكم مثال لبعض الحالات اللي تسبب لي هلع مثلا امي قالت صلي العصر والبسي عبايتك بنروح مشوار اقول لها وين تقول بعدين
على طول يجي ببالي شي شين امي وش تبي تاخذني انا برفض ماراح اروح للوجهة اللي تبيها وامي ياعمري كل قصدها ماتبي تركب مع السواق لحالها مشوار طويل بس
والمثال الثاني لو قالت لي بنروح السوق اخاف النوبة تجيني وانا هناك لكن اضغط على نفسي واروح وانساها واذا رجعت ابدا اهوجس واقول لو ان النوبة جاتني هناك بطلع وبنحاش والا وش بسوي افكار سلبية في افكار سلبية ولا عرفت كيف اتخلص منها
واللي تشافى من الهلع ليت يكتب لي تجربته وكيف انتهت معاناته ؟؟
واخيرا هل الهلع يسبب اكتئاب وخمول وكثرة نوم ؟؟
|