نفساني - عرض مشاركة واحدة - 🌙الحذر من اتخاذ الفوانيس والمفارش والاواني الحمراء رمز لرمضان 🌙

03-05-2016, 05:03 PM

حياك الله اخي الطيب عبد العزيز
وشاكرة كلامك وذوقك

تأكد انه الكل سواسية هون
ومافي محسوبيات
وانا تعمدت اترك الموضوع بدون حذف او اغلاق
خاصة لما يكون في تضارب في بعض مفاهيم الأمور...
واختلاف في الإعتقادات..

لأنه اللي قرأ الموضوع من اوله..لازم يقرأ لآخر مشاركة
واللي حابب يعلق معه مهلة ووقت
وانا انصفتك اخي وأيدت كلامك ومنطقك في اغلب ما قلته
لو المشاركة عامة كان استرجعتها
ولكنك تخص الأخت امتياز فيها
ما حبيت اتدخل بينكم..

بس هي بإمكانها تعمل تعديل وتسترجعها اذا بدها...
وتخلي الكلام اللازم..وتحذف اللي ما يلزم..

بس انا رح انقل عنك بالمختصر واستوحي من ردك كلمات قليلة ..(يعني محصلة )
( انه المنتدى نفساني ومصب لكل الطوائف وضروري يكون في مراعاة كلية عند كتابة أي موضوع)
وخاصة المشرف لأنه يعكس صورة عن الموقع والإدارة ....منيح هيك ههههه

وطبعا انا معك...

ونحن حريصين كل الحرص انه ما نزعل حدا وما نظلم حدا
خاصة اللي بكونوا على حق..

وشو ما كان الموضوع وما يحمل الموضوع
ما لازم ناخد الأمور على المقياس الشخصي

وطالما الموضوع ما في براهين وادلة واثباتات شرعية
بهالحالة كل واحد يعمل اللي مقتنع فيه
ما بدك تحط زينة وفوانيس..احترمك..انت حر..اذا هيك مرتاح..
بدك تحط زينة وفوانيس..احترمك ..انت حر..اذا هيك مرتاح..

لا افرض عليك..ولا تفرض عليي

وكل الإحترام للجميع

بالنهاية هاد شهر العبادات
اكيد مو شهر الزينة والفوانيس
وكل بلد او دولة بتستقبل الشهر الكريم بمظاهرها وطقوسها المختلفة
والعباادات في الشهر الفضيل لا تتغير ولا تتبدل ولا تتأثر بتلك المظاهر

وكل سنة وانتوا طيبين