|
انا جديد .. حكايتي .. ارجو التشخيص
بسم الله الرحمن الرحيم
اولا اعذروني لو كلامي غير مرتب عشان تفكيري مشتت جدا .انا لاعب كمال اجسام فئة فيتنس 25 سنة .. كنت شخص متفائل ومبسوط دايما وبحب الرياضة والسفر والضحك وصاحب كلمة ولي اصدقاء كتير جدا وبيحبوني جدا جداوالحمد لله ربنا كرمني بالوسامة والحضور وحب الناس .. صلب الموضوع ان في اواخر شهر 3 جاتنا دعوة لعمل مؤتمر فى احدي الجامعات . وطبيعي قبل هذا اليوم كنت متوتر جدا لدرجة اني منمتش يومين . حضرت المؤتمر والقيت كلمة وكنت متوتر لدرجة الرعب وقلبي كان هيتخلع من التوتر وانا بلقي الكلمة . وتم تكريمنا من ادارة الجامعة علي جهودنا في مجال الرياضة. في نفس اليوم بعد ما روحت البيت وكنت تعباان جدا جدا لانه كان يوم شاق وصلت البيت تقريبا 8 مساءا .قلت لنفسي بدل ما انام دلوقتي اروح الجيم وارجع انام عشان يومي يبقي مظبوط .فعلا روحت الجيم وانا ميت من التعب واتمرنت وروحت البيت نمت .وكان اخر يوم سعيد فى حياتي تقريبا .صحيت بعد اربع ساعات بعاني من زغللة وضيق نفس .قلت حالة وهتعدي .يوم والتاني علي نفس الحال وقلت شهيتي وجسمي همدان ومش قادر اتحرك والتفكير بقا مشوش جدا. لدرجة اني مبقتش عارف اتكلم مع حد ولو حد خد رأيي فى اي شيئ . مبكنش مستوعب الموقف او ارد ااقول ايه. كشفت نظر وطلعت سليم الحمدلله . ناس قالولي دي عين وحسد . قلت يمكن واظبطت علي الصلاة والاذكار لكن حالتي للاسوأ . جه يوم فى شهر 4 دعوة من جامعة اخري ولكن تحتاج لسفر . قلت لازم اروح . برضو منمتش قبلها ونزلت من البيت وانا فى المترو حسيت بضيق صدر جامد وكاني هموت وفيه حاجة واقفة في حلقي ومش قادر اتنفس ودايخ جدا .خدت بعضي وروحت البيت تاني ومن يومها وانا في اسوأ حال توهمت امراض كتير .وبحثت علي النت عن الاعراض لقيتها مطابقة لحالات الاكتئاب بدأت اقرا عن الموضوع اكثر وحسيت اني دخلت في السكة دي وبدا اني لا اشعر بالجوع تماما والنوم كل ربع ساعة اصحي مفزوع وخايف انزل من البيت يحصلي حاجة ودماغي مشلولة عن التفكير وحالة من القيئ اول ما احاول ااكل اي شيئ .. اهملت التمرين واهملت اصدقائي ولا اطيق التكلم مع اي احد من اصدقائي ولا اعرف سبب هذا . ولكن اقرب الاصدقاء صارحتهم اني مش عارف فعلا انا عندي ايه ونفسيتي زي الزفت ومش بارادتي اني مش عارف اتكلم معاهم لاني دايما مخنوق ومتضايق .ذهبت لدكتور جهاز تنفسي وايضا يفهم في الهضمي وقال لي عندي التهابات فى البطن وصرف لي ادوية والي الان لم تتحسن حالتي واحس اني دماغي مشلولة ودايما افكر كيف سيكون مستقبلي وكيف ساتزوج ولن ارجع الي حالتي السابقة . كل ما كنت احبه في السابق لا اريد فعله حاليا . كل ما كان يسعدني اصبحت انساه . واصبح عندي حالة من النسيان والشرود شديدة جدا .لدرجة عندما اشاهد التلفزيون لا استطيع التركيز ودائما فى حالة شرود ذهني عن اني لن ارجع لحالتي الطبيعية وارجع مبتهجا متفائلا ومستقبلي وحياتي اصبحت مدمرة ولن استطيع العيش بهذه الطريقة . ملحوظة فكرت في ان الموت هو الحل الوحيد لحالتي . ولكن تناسيت هذا الموضوع . وضغطت علي نفسي واصبحت ااكل ولكن قليل جدا وعند تفكيري باي شيئ سيئ اقوم بعمل تمارين فى البيت . ايضا اصبحت اقول لنفسي من انا واين انا هل هذا حلم ام انني علي وشك ان افقد عقلي . لكن البارحة حدث شيئ غريب انني خرجت وكنت خائف جدا وقلت لنفسي هكمل طريقي وزي ما تيجي طالما فكرت في الموت يبقي اموت وانا في الشارع مش مهم احسست بنفس الاعراض ولكن اكملت طريقي ولم ارجع للبيت عند شعوري بكل الاعراض لدرجة انني احسست ان بيجيلي غيبوبة تفكير واانا فى الشارع . وغير منتبه وعيني مزغللة ودوار شديد . ولكن الغريب عندما رجعت المنزل احسست انني سعيد ومع هذه السعادة تلاشت كل الاعراض واصبحت افكر من جديد وتحدثت لبعض من اصدقائي . ولكن بعد النوم وعند الاستيقاظ . رجعت لي الحالة .. ملحوظة انا بقيت انام الساعة 12 ظهرا واستيقظ في التاسعة مساءا مع اسوأ كابوس في الاستيقاظ ولا اود الاستيقاظ واود ان انام ثانيا .ماذا افعل ؟؟؟ اعتذر علي الاطالة.
|