نفساني - عرض مشاركة واحدة

13-05-2016, 12:27 AM

نصيحه من أخوكم لوجه الله

انا اصبت من سنتين بنوبات الهلع والله اقسم بالله ما كنت بطلع من تحت البطانيه وعلى السرير طول اليوم من الخوف والرعشه والرجفه وكل الاعراض اللي انتوا عارفينها

فقط لما بدأت اخد علاج السيروكسات بفغضل الله قررت حاجه مهمه
نزلت الملعب ولعبت كورة باستمرار مع صحابي كل يومين بقيت العب ساعه ونص مع اصحابي كورة لأني مدمن كورة

في اقل من شهر اختفت جميع الاعراض واصبحت طبيعي تماما بدون اي مشكلات

والله على ما اقول شهيد

طبعا ناس هتقول صعب وصعب فقط في عز تعبك وازمتك وخوفك ورعبك انزل من على السرير واتحمل والعب واجري والعب شوية واقف واجري في خلال اسبوع مش هتلاقي اي اعراض لأن هتحرق كميه طاقه وادرينالين كبيره

ببساطه اللي بتحس بيه وانت بتلعب كورة هو اللي انت بتحس بيه اصلا في اعراض الهلع

التركيز كله هيكون في دماغك
الغير منطقي ان الاعراض تجيلك بدون ما تعمل ادني مجهود ده بيخليك تفكر ويسببلك هلع
اما في اللعب هيكون الامر منطقي وهتتعود عليه ان لما يجيلك اعراض الهلع ودق القلب السريع وغيره هيكون له سبب منطقي وهو انك بتلعب كورة ولازم الاعراض تظهر
باختصار هتعمل برمجه منطقيه شوية لعقلك