نفرٌ من الجن

بيانات اضافيه [ + ]

رقم العضوية : 53416  تاريخ التسجيل :  04 2016  أخر زيارة : 02-03-2017 (06:52 PM)  المشاركات : 735 [ + ]  التقييم :  10  الدولهـ

لوني المفضل : Cadetblue

وما الشاكي بأقل بلوى من المشكو اليه!!
ترى وضعي اسوأ من وضعك انت على الاقل عندك وظيفة ولكن انا لا وظيفة ولا حتى ريال واحد في جيبي وكله بسبب نوبة الاكتئاب الكبرى والتي دمرت كل شيء جميل في حياتي
عمري الحين 31 سنة وداخل على 32 ولازال الاكتئاب باقي ويتمدد في جميع انحاء موصلاتي العصبية ولا نفع معه لا تحالف ولا قصف جوي ولا احزمة ناسفة ولا غيرها من سبع سنوات وانا عيشتي عيشة بؤس
وترى كل البلاوي اللي فيك فيني باستثناء البواسير
عندي التهاب في المعدة والمريء وارتجاع وحلقي ومريئي انعدم وصوتي انبح وكله بلاغم من الارتجاع ماغير اكحكح طول الوقت وذبحني الاستفراغ وشهيتي للأكل معدومة ماغير اغصب نفسي على الاكل
وعندي التهاب في المسالك البولية وكانديدا في الامعاء وارق مزمن وتعب وارهاق واكثر الايام جسمي احسه دايم مهلوك من قلة النوم والاكل

واما الشكوى لغير الله مذلة وانا اخوك ياما شكيت وبكيت لأهلي ولكن ما يحسون بالمعاناة ودايم يتهموني بأني انسان مهمل واتحجج بالمرض النفسي وطول وقتي جالس لوحدي في غرفة على الكمبيوتر من يوم اصحى الين ما ارقد ختمت اليوتيوب وقوقل
وياما توسلت لمدرائي في العمل عشان ما انفصل من عملي ولكن بدون فائدة وياما قدمت على شركات عشان اتوظف واذا عرفوا اني انسان مريض ما يوظفوني وعلى هالحال من الاهانات
ونصيحة يالبدراني لاعاد تشتكي للناس لانهم ماتت الانسانية فيهم وماتت ضمائرهم الا من رحم الله وخلك كاتم كل شي في صدرك لاني شكيت قبلك ولا لقيت من بعد شكواي الا المذلة والاحتقار!!

ونصيحتي لك خلك ملعون والدين مع الملاعين ولا تشكيلهم لانه لاحظت صراحة ان اكثر الناس للاسف صاروا ماعاد يمشون بالطيب يا تلعن سابع جده والا ما يمشي معك
طبعا ابوك وامك خط احمر اما باقي الناس فعاملهم بالمثل ولا تشكيلهم ولا تبكيلهم وتصير مثلي بعدين انسان بلا كرامة ومحتقر وصراحة ندمت على ما فعلته في الماضي وياليتني سكت افضل لي من فضح نفسي عند ناس لا تستاهل ولا تقدر يادوب تعطيهم ظهرك استلموك حش وتقطيع وغيبة

يا رجال عش حياتك مثل ما هي وارضى بقضاء الله وقدره انا وانت خلاص مكتوب علينا نعيش عزاب ومرضى طول عمرنا الين ما ربي ياخذ الأمانة وطز في الناس وفي كلامهم وطز في الزواج وتبا للمال وتبا للوظيفة وسحقا للنساء

ماعاد ابي لا وظيفة ولا زواج ولا ولد ولا تلد كل اللي ابيه الحين من الحياة يكون فيه كيس طحين عندي اسويبه عيش يملأ بطني اذا جعت وماء يروي عطشي وقطمة رز ابو كاس وخلاص الله كاتب علينا اننا نعيش كذا وانا عن نفسي خلاص راضي بهذا الوضع الين ما ربي يفرجها والا يزهق انفسنا
ونصيحة لا تقعد تراقب في الناس وش هم فيه وايش سوو وفين راحوا ومن فين جوا تراك بتتعب كذا وخلك صديق نفسك مثل تركي بن فيصل رئيس النصر