المشاركة الأصلية كتبت بواسطة الفدعوسي ماعندي شي لكن انا بعد بسألك هل انت شايف مللنا من هالوضع شي مو طبيعي ؟ او طبيعي انك تمل من هالحاله وتكره نفسك

لو كان طبيعي ما كان قلت لك اصبر ، الصبر معروف يكون للاشياء الصعبه ، الامور الهينه ما تحتاج صبر وانا اخوك

يالغالي انا سألتك عشان اثبت لك ان مالك الا الصبر عشان تسلم امرك وترضى بالامور الواقع وتصبر وترتاح نفسك من الركض ورى الدنيا لانك بتتعب ولا بيدك او بيدنا شيء غير التطمين لك

اذا تبي امسك لي واقطع لك واسلك لك تسليك وارد عليك حسب هواك و تبي اي رد يناسبك

انت سألت ليه ما تكون العبادة بالجنة صح ؟ كيف نجاوب على سؤالك تبي وش الرد اللي يناسبك قلنا ؟؟؟؟؟

قلنا يا جماعه ابي كذا وكذا وابي ردود كذا ومالك الا اللي يطربك بالردود

وانت ما سألت الا انك ما تعرف لو تعرف ما سالت والاخوان ما قصروا ردو عليك والحين صفحتك صارت ثلاث صفحات ولا رد اعجبك فيها معقوله ؟؟؟؟

بذمتك وبربك وش تبي الرد عليك يكون ؟؟؟

تبي واحد يجاوبك ليه العبادة ما تكون بالجنة ؟؟؟؟؟؟؟؟؟؟؟

انا مقدر عارف انك تعبان وحالتك حاله وكلنا مثلك

بس يوم كان موضوعك عن الصيام تعاطفنا معك كثير ورحمناك وقلنا انك ما تقدر تصوم قلنا لك الدين يسر واذا ما تقدر لا يكلف الله نفسا الا وسعها و انسان تعبان ومريض وان شاء الله عذرك معك

وليس على المريض حرج

بس اليوم جاي تسال ليه العباده مو بالجنه ؟ بالله بذمتك بربك احد يقدر يجاوب على سؤالك هذا ؟؟؟؟؟

حنا قدرنا انك ما تقدر على بعض الامور ياليت تقدرنا وتسالنا اسئله نقدر نجاوب عليها مثل ما قدرناك يالغالي

يمكن انك من المرض ما تركز وتفكيرك مشتت من التعب فتكتب اسئله مالها اجوبه وبعد فتره تندم انك سالتها لان سالتها وحالتك النفسيه صعبه

بس بالاخير ما ردينا عليك الا لانك غالي وعزيز علينا ويهمنا امرك كثير ومقدرين نفسيتك الله يشفيك ويعافيك

وفضفض وفرغ افضل من الكبت بس اجوبتنا لازم تكون معقوله ما نقدر نرد عليك اجوبه مو معقوله بالاخير

وشكرا