المشاركة الأصلية كتبت بواسطة عبدالله سلمان

والله البني آدم يحمد ربه على نعمة الدين والتواجد في بلد مسلم ومن أبوين مسلمين يتعلم الدين من صغره تحت جناحهم .. لا جاع ولا لفحته السموم ولا جمّد عظامه البرد ولا نام في الخلاء والتحف السماء ... مكرمينه ومنعمينه وساترينه وفي النهاية يتهمهم بالظلم والتقصير والتسلّط والبخل ووووالخ ... هل جزاء الإحسان إلا الإحسان يا سارة !!؟


هذا جزاء اللي تعبوا من أجلك ؟ وسهروا سنين على راحتك ؟ ورضاعتك وأكلك وشربك ؟ وحتى تنظيف قذارتك سنين وسنين ..!!؟

ولكن انتي شطحتي لما هو أكبر ... تعترضين على الحجاب الشرعي وحكم الله فيه .. وكأنك راح تخلّدين في هالدنيا .. وانه شبابك كلها كم سنة وجلدك يتعفس ويتقرفط .. هذا اذا انتي ضامنه العيش والوناسة لين ما تصيرين عجوز .. هل برأيك كذا تشكرين نعم الله عليك ؟؟


أنا اللي أقول لك الظلم ظلمات يوم القيامة .... تظلمين نفسك وتظلمين والديك