نفساني - عرض مشاركة واحدة

30-05-2016, 06:37 PM

اقتباس:

المشاركة الأصلية كتبت بواسطة داعيه ربها

افهم من كلامك العلاج النفسي يفيد في هالحالات اخاف يزيد الدوخه وانا مو ناقصه وسمعت انو مو على طول يبان مفعول العلاج وهل فيه علاج نفسي مايسبب دوخه

مفيش علاج في الدنيا مش بيسبب اثر جانبي حتى المضاد الحيوي والبنادول بيسببوا اثار جانبيه
العلاج النفسي مطلوب ومفيش منه اي ضرر على الاطلاق واثاره الجانبيه على فترتين الاولي اول تعاطي العلاج والثانيه عند سحبه من الجسم والاثار الجانبيه طفيفه والعلاج عمره ما هيزود الحاله اساسا لا في الاول ولا في الانسحاب

اذا عالجتي السبب الاساسي اختفت الدوخه وما صاحبها انا مش لاقي وصف نهائي للتردد في العلاج يا جماعه والله الموضوع ما كذب العلاج ضروري جدا اقسم بالله العلاج غير مضر علاج نوبات الهلع غير مضر اطلاقا ونوبات الهلع قابله للشفاء تماما كأنها نزلة برد والتزامكم بالدواء ضروري وهي فتره مؤقته وستزول

اما عن الادويه المطلوبة يرجي التعامل مع الدواء الاصلي فقط من مصدره الاساسي يعني مثلا السيروكسات له بدايل في السوق بحكم انها ارخص سعر والبروزاك بديله ساليباكس ويصرف مجانا في المستشفيات وايضا رخيص السعر ولذا يطلب العلاج الاصلي لضمان كامل وفعاليه الماده الفعاله التي تحتكرها الشركه الام المصنعه وليست البديله
الموضوع بسيط والله والله والله انا بداية تعبي جربت السيروكسات سي ار والزاناكس لمده شهر واختفت كل الاعراض والتعب في خلال شهر وقطعت العلاج واصبحت طبيعي 100 % لدرجه ان حياتي ما اتغيرتش حياتي صارت افضل بعد الهلع وقدرت افهم كتير أوي

ليه مش مصدقين التجربه خير مثال عشان كده انا سجلت عشان انقل لكم تجربتي ودراستي للاعراض والعلاج وكمان بحكم قراءاتي المتعدده وايضا لاني درست النوبة وقت التعب وبقيت احاول افهم ايه ده وجربت عليها حيل كتير وخطط كتير وقت التعب عشان تزول واحاول افهمها لدرجه ان لو اصابني الوقتي نوبة هلع مش هستغرب ولا ههرب فقط هقعد اتفرج عليها وهتزول باذن الله ولو الامر وصل اني احتاج علاج اهو معروف ومفيش مشكله

يا جماعه عالجوا السبب وهو الهلع نفسه وهتختفي كل الاعراض باذن الله واي استفسار انا جاهز