نفساني - عرض مشاركة واحدة - اليوم العاشر لرفع الجرعه دون تحسن يذكر..والتعب بيزيد برمضان

07-06-2016, 02:26 AM

10 أيام ولا حاجه وزياده التعب لأن العلاج بيعمل قلق وتوتر ويزود االعراض في البدايه وبعدها يبدأ تدريجيا العلاج يعمل نتيجه
بعد شهر هتشوفي الوضع باذن الله
استمري على جرعه 25 أسبوع على فكره هترفعيها فيما بعد الى 37.5 يعني حبه ونص استمري على العلاج وما توقفيهوش السيروكسات مش مهديء عشان يشتغل كده لازم بناء كيميائي تدريجي بعد 15 يوم ايضا هتحسي بفرق لو أخدتي المهديء مع السيروكسات هيهدي العراض دي اطمني خالص
اما التعب في رمضان فهو اصلا طبيعي للصيام وفترته الطويله وايضا الحر هتحسي بصداع وتعب وجوع غير ان السيروكسات بيفتح الشهيه والصوم جه في وقته وبشكل مناسب جدا اطمني تماما عشر ايام في العلاج ولا حاجه نهائيا ولا اي شيء مش اقل من 21 يوم الى شهر لما تلاقي السيروكسات بيشتغل وده رأي كافه الاطباء والمتخصين حتي الشركه المصنعه نفسها قالت 6 أسابيع ويجيب نتيجه باذن الله
اصبري الصبر حلو ومتخافيش مفيش حاجه هتحصلك كل تعبك ده مجرد ظرف طاريء مشكلته انه مزعج وحارمنا من البهجه بس هيختفي
مش مخلينا ننام كويس ولا ناكل ونشرب كويس بس هيختفي
مش مخلينا نخرج ونروح ونيجي بس هيختفي
فاطمئني تماما واستمري على العلاج بعد شهر ونص كده نتكلم نقدر نقول فيه نتيجه والا مفيش فيه تحسن والا مفيش لو فيه حتي نسبه بسيطه من التحسن اعرفي ان العلاج جايب نتيجه ووكملي عليه ومتخافيش خالص

بس هسألك سؤال رغم كل التعب ده حصل لك حاجه خطيره لا قدر الله
ولا اي شيء لان الهلع ظرف طاريء سهل علاجه ومالوش اي خطورة كانت
وما تدقيش كتير في العلاج جاب نتيجه لا ما جابش نتيجه لأن ده لا هيضر ولا هيفيد غير انه فقط هيخليجي تهتمي بحاجه مالهاش ستين لازمه العلاج هيشتغل وغصب عن الهلع هيروح