نفساني - عرض مشاركة واحدة

07-06-2016, 12:27 PM

اقتباس:

المشاركة الأصلية كتبت بواسطة زمالك يا حبي

كل دي نوبة هلع وأنا شايف ان اعراضك كمان أبسط من الاعراض اللي مرينا بيها كلنا
الخطأ الوحيد في الموضوع كله هو انك اخدت ابرة ضغط وحبوب الكونكور وكمان حبوب الضغط لكن لا خطر ولا خوف لأان الهلع تشخيصه الصحيح من البدايه والعلاج الصحيح بيمنع النوبة ويقضي على التوتر الناتج عنه

الهلع بشكل عام لا خطر منه هل حدث لك شيء حتي الان بالطبع لا لانه موضوع أمره بسيط
نعم ستتوتر حينما تقرا
ومريض الهلع بشكل عااااااااااااااااااااااااااااام محتاج انه يقرأ عن أي عرض بيحس به في جسمه لدرجه انه مثلا لو صحي من النوم حس بس ان عينه بترمش هيقلق ويدور ليه عينه بترمش مع ان كل دي امور طبيعيه جدا ولكن مريض الهلع بيكون متوتر وخايف على نفسه بشكل رهيب لدرجه انه يجري فورا على المستشفي يشكي من اي عرض لو بسيط ولو لقي ان الفحوصات سليمه يبدأ في اختراف فحوصات تانيه بداعي الاطمئنان ولو عمل الفحوصات التانيه يبدأ في التشكيك في المستشفي والطبيب ويبقي عايز يروح يشوف مكان تاني وطبيب تاني وهكذا
مش ده اللي بيحصلك يا باشا ؟؟؟

لكن الهلع بشكل مبسط ظرف طاريء عارض لا هو خطر ولا هو مؤذي فقط هو مزعج
الهلع بيترابط معه قلق مخاوف ورهاب بسيط أو قوي حسب الحاله وأيضا وسواس موت احساسك انك هتموت ولكن مش هتموت باذن الله من الهلع مش هتموت الا فق وقتك المحدد من الهل عز وجل لكن من الهلع مش هتموت الهلع بيجعل الجسم على أهبه الاستعداد اصلا للمخاطر نوبه وبتعدي وزي ما بدأت زي ما هتختفي

انت بديت بالسيبرالكس ممتاز
اصبر شوية والسيبرالكس هيجيب نتيجه لو في خلال شهر الى شهرين مفيش تحسن ممكن تاخد بديل عادي جدا الادوية متوفره كتير اوي واللي ما يناسبوش علاج هيلاقي عشرين علاج غيره
اما عن اعراض العلاج فهي شائعه ومفيش منها اي مشكله وهي فتره كام يوم ومفيش خطورة من العلاج وليس كل ما يكتب تصدقه جميع الادويه حتي البنادول والاسبرين اللي انت بتاخده له اعراض جانبيه ولكن مش كل الناس بتحس بيها وانت لما تاخد السببرالكس هتحس بتعب مثل التوتر الهلع ذات نفسه ولكن الطبيب بيصرف مهديء في الفتره الاولي عشان يقلل الاعراض لحين عمل الدواء الاساسي ولا تقطع العلاج من تلقاء نفسك والتزم بكورس علاجي لا يقل عن 9 شهور ولا تخف من طول المده ده عشان يمنع الانتكاسه تاني ويقوي جسمك في مواجهه اي اعراض الهلع

انا أحب أقولك مش للاطمئنان فقط أحسن تفتكر اننا بنطمنك وخلاص انا بقول ان الهلع أمره بسيط ولا تقلق منه كلنا جربناه وجربنا اعراضه ولا مشكله ولا خطر ولا اي شيء بالعكس حياتك هتبقي افضل من الاول

ماشاءالله عليك وعلى افكارك وكلامك وطريقة محاربتك للهلع
وتقوية من عزيمة الاعضاء في السيطرة على الهلع كم واحد مثلك نحتاجه في هذا
الصرح اشكرك من كل قلبي فيما تقدمه للاخوان من تقوية العزيمة ومواجهة المخاوف
وانتشالهم من الهم والغم وفق الله اخي زمالك ياحبي وجزاك الله خير