بتفلسف عليكم اشوي

احس انه مرض الإكتئاب فرصه ثانية لك في الدنيا من الله سبحانه يرى مدى صبرك وتحملك وان هذا الإبتلاء هو اختبار من الله سبحانه
لكي تجلس مع نفسك وتحاسب نفسك قبل ان تلاقي ربك سبحانه يوم الحساب

مثال عن نفسي: الفترة اللي عايش فيها الحين احسن من قبل كنت ولا شي نكره والحين صح انها صعبه بس افضل بكثير من قبل عرفت الصح من الغلط توجهت الى الله سبحانه كنت مقصر بصلاتي كثير القرآن ماذكر قريته غير ايام الدراسة الحين تغيرت 180 درجة صرت اعرف صلاتي وأقرأ القرآن سبحان الله احس براحة نفسيه اذا قريت القرآن توصل الى درجه ابكي وانا اقراه بعض الاحيان اقول هالشي جاني بسبب بعدي عن ديني وهذا ابتلاء من الله لأنه ربي سبحانه اذا احب عبداً ابتلاه
بتقولو كيف يمكن ربي يبي يسمع صوتي وانا ادعي في سجودي وانا اقرأ القرآن وانا ابكي له الحمدلله على كل حال

وآسف اذا كان كلامي غير مفهموم كان بخاطري ودي اقوله