المشاركة الأصلية كتبت بواسطة عبدالله سلمان

اللهم آمين


الله يرضى عليك يالغالي ... أبدا أبدا اللي قلته لك مو سهل .. وحاس في وضعك .. أنا مو مثل واحد يجيك بالواقع ويتفلسف يقول انت وش بلاك ؟ ورى ما تطلع ورى ما نشوفك وش فيك صاير نفسية و و و الخ


أغلب العالم من حولك اذا مو كلهم ما راح يتفهمون وضعك .. الناس مشغولة بأنفسها وعايشة حياتها .. وإذا دخلت بالعميق راح تمر سنين زي الهواء ولا تحس فيها .. ولا تدري هل إنت تستطيع تعدّل من الوضع أو لأ .. ولا تدري هل تدخل في دوامة الأدوية أو لأ .. لذلك أنا أقول لك وضعك مو سهل ولكنه أسهل من بعد شهر وأسهل من بعد سنة سنتين بدون كفاح ومحاولة جادة منك بالتغيير


في البداية لا تسوي شيء .. بس لازم تقتنع بالفكرة الآن وتستفيد من تجارب اللي لهم سنين مع هالبلوى


هل انت موظف ؟ وكم هو عمرك ؟ وهل لديك ظروف تؤثر عليك ؟ ووو الخ
غير موظف؟؟؟ 28 سنة؟؟؟ عندي ظروف كثيره اثرت علي في الماضي والحاضر وهي سبب رئيسي للي انا فيه واكره اتكلم عنها

المشاكل والظروف إذا كانت موجودة لابد تمسكها وحده وحده واللي تقدر تحله كان بها .. واللي مو بيدك تحلها تحاول تحيدها قدر الإمكان من شان ما تؤثر عليك بشكل يومي

المشاكل والظروف كسرتني وماقدر اكسرها هذا اللي اقدر اقوله وصعب اني امسكها راح كل شي مثال:لوكسرت لك زجاجه تقدر ترجعها لي مثل اول!!!!!

المسألة حاليا هي حرب أفكار ... خلك متفائل وثق في نفسك إنك قادر بحول الله على المحافظة على توازنك الفكري وإقبالك على الحياة .. التشاؤم لا يكون له مكان في تفكيرك أبدا أبدا ... لا تقول الكلام سهل فالأفكار مو صعبة جدا على رجل مثلك ... لا تستسلم أبدا يا عزيزي فالدعوة مثل ما قلت لك حرب أفكار بينك وبين الشيطان


خلك متفائل واهرب من الحزن وكل مسبباته فرارك من الأسد ... الحزن ياكل البني آدم و يضعفه