نفساني - عرض مشاركة واحدة - هل تحسون بهذا الاحساس مثلي !! ممكن كل واحد منكم يوصف كيف حالة الهلع التي تصيبه

09-06-2016, 11:50 AM

سحر
قال سحر قال
شوف يا باشا انت لو ممسوس مش هتقدر تصلي ولا تمسك مصحف ولا تقرب من جامع هو الشيطان بيخلي الانسان يصلي ويروح جامع والا ايه
أنا استبعد المس تماما

اما السحر ممكن تكون واحده بتحبك وبتموت في دباديبك عاملالك عمل وربطاه في ورك جمل وتايه في صحراء الربع الخالي ويمكن يكون اندفن هههههههههههههههههههههه
فنصيحه حاول تدور على البنت دي تشوفها فين وتتجوزها عشان السحر والعمل يتفك دي أول نقطه في العلاج ههههههههههههههههههههههههه

النقطه التانيه
انك اعراضك هلع بنسبة 1000000 % لكن موضوع مقاومتك ده بقي هو اللي محيرني
شايف وقلتهالك قبل كده انت تبقي بطل أوي لو قدرت تخرج من الهلع وتسيطر عليه بدون اي ادوية
لكن لاسف الهلع محتاج علاج ومالوش حل تاني انا كنت زيك كده لا عايز طب نفسي ولا طبيب نفسي ولا غيره
العلاج اداه بسيطه والباقي انت لازم تقوم بيه العلاج هيقدر انه يخفي الاعراض كلها ويعالج المشكله ومع حياتك اللي بتعيشها بشكل طبعي دماغك هتقدر تسيطر على افكار الخوف والتوتر بسهوله بدون اي مشكله وحتي فكرك هيتغير
لكن انك تقاوم ومن سنه بتقاوم واعراض تروح وتيجي ليه التعب بقي
الهلع يا جماعه لازم علاج انا مش طبيب ولكن قرات كتير وجربت كتير واتعالجت كتير وشفيت والحمد لله ودرست النوبات كتير ودرست النوبات بدون علاج وجربت كل اللي تحلموا بيه كل حاجه في الهلع صابتني الا اختلال الانيه

وكل ده مش هيروح الا بالعلاج
ليه خايفين من العلاج
الرسول عليه الصلاه والسلام أمرنا بالعلاج
احنا في زمن نعيشه كله صخب وضوضاء وتلوث وتكنولوجيا وكهرباء وغيره وكل ده بيأثر بالسلب على المخ وعلى الجسم ايضا وعلى الاعصاب
يبقي ليه نرفض العلاج
احنا اللي بنحط نفسنا في مواقف
اي نعم أنا ممكن اقول قاوم سلوكي لو العلاج مجبش نتيجه وجربت اكتر من دواء في محاولات طويله ومفيش نتيجه لكن طالما العلاج متوفر والنتيجه باذن الله مضمونه يبقي ليه المعاناه
احنا للاسف شعوب مش عايزه تتقدم حاجات بنعملها عيب وحرام
صراحه الطبيب النفسي في هذا الزمن هو المطلوب والسبب التكنولوجيا التي تؤثر سلبا على الاعصاب من اشارات لاسلكيه وغيرها

نرجع بقي لاعراضك
الخوف
والموت
وتتمني الموت
والرعب
وتغير الملامح
تفتكر جرالك حاجه من كل ده
سنه كامله بتعاني حصلك ايه
الهلع موتك مثلا عملك مشكله عضوية في الجسم سببلك اي خطورة على جسمك
طبعا لا الهلع معملش حاجه غير انه كل شويه يعملك ازعاج وألم وخلاص انما جسمك زي الفل قلبك طبيعي الدماغ قشطه ولوز وعسل
فليه ما تعوضش نقص الهرمون ده بالدواء
امال لو حضرتك بتشجع نادي الزمالك هتعمل ايييييييييييييييييييييييييييييييييه هتعمل اييييييييييييييييييييييييييييييييييييييييييييييييي يييييه

جرب تلعب كورة طالما انت نفسك تقاوم لو جربت تلعب كورة ساعه ونص مع فتره راحه ربع ساعه على الاقل
ممكن بشكل كبير تفك انا العلاج والكورة ساهموا بأكبر جزء من شافئي والحمد لله وتم في خلال شهر
الكورة مش مجرد لعبه بس دي مجهود بتبذله في الملعب وطاقه وراحه نفسيه كبيره بس كتير بيجهلوها
وأيضا جرب تقعد على البحر في الهواء المفتوح وغمض عينك واسترخي ارمي الدنيا وراك واقعد بدون اي ضوضاء وحسس نفسك انك هتقعد في الراحه دي للابد وبعد فتره طويله اتحرك عادي وارجع البيت اخر الليل على الاقل
انا جربت كل الطرق دي ونفعت معايا وجابت نتيجه قبل العلاج كمان بس كان لازم خطوه العلاج عشان يعملي تركيز في الجسم واقدر ابعد اي توترات او الم وبعدها عشت طبيعي