المشاركة الأصلية كتبت بواسطة عبدالعزيزززعلي

يالله حي ابو سلمان منور يا بعد حيي .

الله يحييك يا ابو علي .. النور نورك يالغالي

1- وش تشتغل ؟

للأسف عاطل عن العمل حاليا .. أشتغل خفير بصندوق نفساني ههههههههه
بس أبشرك الأمور طيبه عن قريب بإذن الله

2- مخططاتك المستقبليه ؟

أعيد البناء من جديد أقوى من الماضي ... مع إستحضار تجربتي الماضية في بالي حتى لا أكرر نفس الأخطاء سواءاً مع نفس البشر أو ناس جدد

3- كم لك سنه مع المرض وش اثر المرض على حياتك اليوميه ؟

سنوات طويلة مرت أعاني من إكتئاب بسيط يروح ويجي .. ولا كنت أعرف إنه معي إكتئاب بالأساس .. لأني أدفش عمري بالحياة ولا كان فيه مجال إني أنطوي أكثر من أسابيع معدودة .. بالصدفة أخبرني طبيب ونصحني بزيارة طبيب نفسي ولكن ما طاوعته وإلى الآن ما زرت طبيب نفسي .. أما المرض اللي سدحني هو الوسواس ونوبات الهلع ... الحمد لله حاليا أنا أفضل وتلاشى الوسواس واختفت نوبات الهلع نهائيا

3- اذا تستخدم ادويه وش هن العلاجات الي تستخدمهن ؟

ما أستخدمت الأدوية

4- وين تعيش حالياً ؟

السعودية

5- كم عمرك ؟

34

6 - اكثر موقف اثر فيك ؟

مواقف كثيرة .. تحدك الظروف فيها إنك تكون بالظل

7- سبب كتابتك لموضوع عندما توقف هاتفي عن الرنين ؟

من سنوات طويلة أتحدث مع نفسي عن معاناتها وأشجعها في تقبل الوضع والمضي قدما والتسلح بروح التحدّي .. وهالشيء كان في مدونة قديمة لي تم إلغاء الموقع اللي فيه مدونتي وحبيت أكتب هنا في الفضفضة


8- الفنان المفضل عندك ؟

أنا مقاطع للأغاني من سنين طويلة جدا ... ولكن الفترة الأخيرة ماش بالشهر مرة او مرتين يجي يوم أمسك على الأغاني .. ومافيه أحد محدد بس الأغلب فيروز وأفلام الكرتون القديمة هههههههه

9- اكثر قصيده تحبهاا ؟

كثير مو وحدة ... بس الأقرب لقلبي حاليا هي فضة كلام .. قصيدة عايض الظفيري

10 - شي تمنيتوه وما حصل ؟

تمنيت إني منتبه لنفسي من زمان ... بس الحياة إن شاء الله قدامنا وربك كريم

وكل سنه وانت سالم .