اطياف الامل

بيانات اضافيه [ + ]

رقم العضوية : 53693  تاريخ التسجيل :  05 2016  أخر زيارة : 03-06-2022 (07:49 PM)  المشاركات : 252 [ + ]  التقييم :  10

لوني المفضل : Cadetblue

السلام عليكم كان معي قبل ثلاث سنوات وسواس عدم المقدرة على النوم وعالجته بالرقية الشرعية والتجاهل بدون ادوية وراح وبقي اثاره شي خفيف جدا وعشت سنتين مافي اي شي يوم تم خطبتي رجع لي وسواس شي خفيف يوسوس كان بخطيبي واشياء كثيرة وكنت اتجاهل وبعد زواجي اخر شهر العسل كنت جالسة بمجلس نساء وسوس لي اني حيغمى علي واطيح قدام الناس واتاني خوف اني اصرخ او ابكي خرجت مسرعة واثناء انا بسيارة زادت نبضات قلبي واحسست بضيق نفس وتعرق وحرارة وارتجاف وشي داخلي يقول حتموتين حتجنين اقتلوني كان ودي اهرب من السيارة لكن مدري وين احس بجن بموت بختنق وشغلت الرقية وراحت ومن ذاك اليوم وانا تكرر معي يومي شهر كامل بعدها خفت صارت مرة بالاسبوع وبعدها مرة بشهر والحين رجعت صارت بالاسبوع مرة بس بشكل خفيف نبضات قلب وشي داخلي يقول حجن حفقد السيطرة امام زوجي والناس اخاف من النوبة تجيني واجن وافقد السيطرة وابكي امامهم اخاف اصرخ امامهم صرت ماقدر اخرج الا اماكن قريبة بحر سوبر ماركت صغير ومكان بعيد هو اهلي معي خوف من الخروج وحتى ببيتي معي خوف من النوبة احيان اصحى من النوم القى تفسي قلقانة وخايفة بدون سبب صرت اخاف ازور الناس اخاف استقبلهم من تجيني النوبة امامهم اخاف اسافر اخاف اذهب للمول اخاف لي اربع شهور كذا لم ابين لزوجي شي كني طبيعية وانا من جوا بموت خوف وقلق انا اود ارجع طبيعية بعض الاحيان تجيني افكار الحياة مالها معني خلاص تزوجتي وماذا بعد الزواج لاشي مثل اللي ماله هدف ولما دخل شهر رمضان يوسوس لي وزاد حتى بيتي يوسوس لي في بيتي واناجالسة فية يقول اطلعي خايفة حتصيري مجنونة يعني حتى ببيتي معد احس بامان فيه