المشاركة الأصلية كتبت بواسطة باكريمه

في بداية شهر 2 توفى جدي وخبر وفاته وصلني من اختي اتصلت علي وتقولي شفتي BBM اثنين من أقاربنا كانو مغيرين صوره ومحطين ان لله وانا اليه راجعون وانا ضايفه وحده واصلا وقتها ما مسكت لا جوال ولا ايباد ولا شئ ما اعرف ليه ولا انا في العاده اشوف الأخبار وكذا ،ف كلمت قريبتي الي عندي قالت ابو صديقتها انا صدقتها بس شوي كذا حصلت بنت خالتي مغيره صوره والكلام وكاتبه شو يصبرنا ع فراقك انا هنا عرفت وصدقت لانها كانت محطيه دعاء عنه قبل ف من شفته صارت حالتي بين الي اريد اصدق وبين الي ما اريد وبين الي اريد اعرف حقيقه وبين الي خايفه ما اريد اعرف حسّيت بقلبي كأنه حد ماسك عليه بقوووووه وضيق في التنفس وبس أصيح بدون صوت وارجف قلت وقتها بموت وخوف فضيييع شعور جداً صعب بين الي اعرف حقيقه وبين الي ما اعرفها ،التفو علي صديقاتي لاني كنت في الجامعة ويحاولون يهدوني ويحاولون يقولون لي اتصلي عرفي خبر وانا بين الي اريد اعرف وبين الي ما اريد خايفه وارجف ،هديت وكان وقتها مخلص دوام كل شوي أتردد ارجع البيت ولا ما ارجع لين ما تشجعت ورجعت وعرفت خبر بس ما بكيت من خاطري كمت نفسي عشان اهلي وامي بذات ،بكيت بعدها وطليت لمده اسبوعين قبل ما انام ابكي وأذكره لين ما هدا وضع وخلاص شوي شوي وامور تمام ،نهايه شهر 4 إصبعي الكبير انتفخ واتورم وسبب لي حكه ولونه تغير رحت قصيت اضافري وما طال ظفر الا بعد شهر وشوي وأصابعي بعده نفس ماهو وكل شوي لاسواء وبعدها صرت احس بتنمل كثير خفت ورحت اسوي بحث وهنا ابتدا معاي وسواس الموت وشوي شوي يشد فيني افكار لين اسبوعين كذا ونسيت خلاص خفيت كثير ،10-5وهذا التاريخ ما أنساه كنت مزكمه وتعبانه شوي وفي كلاس حسّيت بشعور غريب كأنه شئ ينسحب مني من داخل او شئ يدخل داخلي كذا مره غريب خفت وقلت روحي بتطلع ومن هنا ع طول ابتدأت معاي كل أعراض نوبات الهلع وبدايتها رجفففه وبررررد وصارت عندي مثل سخونه داخليه وابتدأت افكار تسحبني معاها اي شعور احسه كمته او ضيق او خنقه وغصه هاذي لعبت دور كبير في نفسيتي وتنمل صرت أراقب نفسي كل صغيره وكبيره في وأقلق واكتئاب مالي مزاج أكلم حد وأمده شهر ما انام الا وانا ارررررجف واحيانا احس بحراره وشعور كذا كأنه شئ ينسحب مني قلقني ورحت ادور ع قوقل في كل شئ لين ما عرفت منتدى وجاء رمضان وقلت ما بعيشه وبعده العيد وهكذا استمرت 4شهور او 5 وخفت شوي وصرت اطنش ما اذكر أعراضي كلها ،اختفي فتره وارجع بحاله للمنتدى ،شوي شوي بديت أتجاهل لين قريب صارت لي مناسبه ونسيت كل شئ وخلاص انعزلت من منتدى ،بس قبل كم اسبوع كذا حسّيت بضيق في صدري و كتمه و الم وكحه مسكت معاي لمده طويله و صوتي يروح ويجي ومبحوح طنشت واشدت معاي لين ما رحت الدكتور أنف قالي عندك بلغم في الصدر وبعدها ما اطمئنيت ورحت للدكتور صدر وقالي حساسيه في الصدر والحين خُف كثير بس بعدها افكار وقلق منه في راسي لانه الم وكنت اقول سكته وكذا اهئ لنفسي افكار ،وبعد احس اني هالفترة ما اريد ولا شئ يزعلني او يضايقني احس بضييييييقه فضيييعه وكأبه وكذا مالي مزاج للمناقشات طويله ومتقلبة مزاج بطريقة واضحه ،طوووووولت كثير عليك بس حبيت اقولك قصتي بتفصيل وللاسف ما اذكر كل أعراض غير أعراض الي احس فيها هذي فتره الي هي في صدري ذكرتها وبعد فجأه احس دوووووخه وغثياااان كذا مثل هبوط ومن اكل تمر يخف عندي كثير ف جد اريد اعرف سببه واتوقع بعد عندي قولون لانه اي شئ برتبط بمعدتي يأثر بنفسيتي لاحظ هذا شئ علي و إصبع الكبير لين الحين ما عالجته وصار أظفر فرق أظفر ولونه اصفر كذا متغير
الكلام الي فوق من سنه الي ضافت يعني كله صار عليه سنه
وفيه قصه بنت كل حاله تصير لي اذكرها لانها في سني كذا فجأه تعبت وتوفت وكثير قصص وحالات وفاء صارت ،صرت اربطها ب أعراضي اتمنى فهمتني ..
ومناسبات تاثيره كبيييير علي العيد او رمضان او زواج او شئ من تقرب واتحمس لهابس تبدا الافكار تشتغل واعراض !!