نفساني - عرض مشاركة واحدة

26-06-2016, 08:41 PM

لا طبعا كل اللي قلتله ده مش محتاج انك تاخدي السوليان لو السيروكسات ما جابش نتيجه معاكي قلتهالك كتير لانك ما صبرتيش على العلاج قلتلك خدي السيروكسات سي ار 25 وتدرجي في الجرعه واصبري شهرين ولا اظن انك صبرتي شهرين
لو مجبش نتيجه فيه سيبرالكس لو مجبش نتيجه فيه انفرانيل لو مجبش نتيجه فيه فافرين فيه ادويه كتير
انما السوليان ما يتوصفش للهلع خالص وما يتوصفش للقلق من اول مره كده
انا شايف انك توقفي السوليان
وشايف انك تاخدي جرعه سيروكسات سي ار 25 او بلاش خدي سيبرالكس وتدرجي في الجرعه وياريت وارجوكي وارجوكي تصبري على العلاج شهرين بالتمام والكمال وارجعي للمستشفي تاني توصفلك زاناكس مهديء تاخديه لمده شهر كل يوم حبه واحده نصف صباحا ونصف مساء وفي نهايه الشهر تقللي الجرعه الى نصف حبه يوميا ونصف حبه يوم بعد يوم وتوقفي الزاناكس وتستمري على السيروكسات سي ار او السيبرالكس

جرعه السيروكسات اول اسبوع 12.5 وتاني اسبوع 25 لمده 3 أسابيع ثم ترفعي لجرعه وقائيه 37.5 وتستمري عليها على الاقل 3 شهور ولو فيه تحسن بنسبه كبيره جدا استمري لمده 3 شهور حتي التحسن الكامل لو مفيش تحسن على السيروكسات سي ار بعد شهرين ممكن تاخدي السيبرالكس بدون تدرج لان عندك قاعده من السيروكسات جاهزه
وأنا شايف السيروكسات لأن عندك خوف من الطياره يعني رهاب بسيط
على فكره انا تشافيت بشكل كامل على السيروكسات سي ار وفي خلال شهر ومازلت للان بخاف من الطياره ومسافر يوم السبت ومع خوفي منها هو خوف عادي وهطلع الطياره باذن الله مفيش مشكله كلنا بنتوتر منها محدش مش بيخاف لما يكون متعلق في الطياره
ده رأيي وانصحك بلاش سوليان الوقتي نهائي نهائي لان حالتك مش مستاهله السوليان نهائي

ياريت تسمعي الكلام لمصلحتك عشان ترتاحي من القلق والالم ده لان انا شايف ان مفيش عندك قدره قويه على تحمل الالم يبقي ليه اتعذب واتألم والعلاج موجود

على فكره كل اللي بتحسي بيه مفيش منه خطر لو فضلتي بوضعك ده سنه واتنين وتلاته ولا اي حاجه غير الم وحرمان من متعه الحياه يعني متخافيش نهائي على صحتك ولا هيصيبك اي مرض عضوي فاطمني تماما من الناحيه دي بشكل كبير وبنسبة 100% بس هو مؤلم ومزعج وانا عارف وحاسس بيكي