نفساني - عرض مشاركة واحدة

28-06-2016, 07:44 PM

موضوع عنيكي ده انا شايف ان عندك صداع نصفي كمان وادويه السيرتونين قلتلك انها هتعالجه بسهوله
انا شايف انك تستمري على العلاج واطمني من اي عرض في البدايه لانها مرحله تقبل الجسم للعلاج والجسم بيبدأ يتعود على المكون الجديد اللي داخل للنواقل العصبيه وبعد ايام بيزول
فانا بقولك اطمني تماما مفيش أدني مشكله في الموضوع جفن عينك ما تخافيش نهائيا حتي لو حركات لا اراديه هتخفي المسأله فقط انك متابعه كل تفاصيل جسمك حركات اراديه او لا اراديه تتبعك لحركاتك بيخليها جديده عليكي
ههههههههههههههه اه وربنا اطمني خالص ولا تقلقي نهائي أنا عارف انا بقولك ايه حاجات طبيعيه تماما انا عيني ترمش اوي وبترمش بسرعه كبيره من كتر ما بقعد على الكمبيوتر وادقق في الموبايلات وتركيزي يكون عالي فيهم

العين اللي ما ترمش يبقي فيها مشكله العين اللي ترمش تعرفي انها حركات لحماية العين اصلا

مع اني كنت قلتلك بلاش سوليان ولكن جربي لا منه ضرر ولا هيصيبك شيء ومهما اشتدت عليكي الاعراض مفيش حاجه هتصيبك ابدا في الموضوع فالمطلوب منك الوقتي نقاط مهمه
1- ريحي بالك من جوزك لما تروحي مره تانيه لطبيبك النفسي خدي معاكي صديقه مقربه منك
2 - فضفضي اي حاجه تقابلك اسألي استفسري اكتبي موضوع مشاركه اندمجي معانا عقلك هيتغذي بحاجات كتير وهيقتل الوساوس والشك لأن مريض القلق بيحتاج انه يستفسر ويسأل عن ابسط التفاصيل ولو كانت طبيعيه
3 - التزمي بالدواء تماما ولو في خلال شهر ونص مفيش نتيجه سهل جدا نغيره وناخد بديل بدون ادني مشكله لازم تعرفي ان البناء الكيميائي بياخد فتره يعني فتره لما العلاج يجيب نتيجه من شهر الى شهر ونصف حسب الحاله
ما تخافيش متابع معاكي ومهتم بأمرك جدا عشان جربت حالتك والله اقسم بالله صداع وكل ما يخطر على بالك في الهلع ولما عالجته كل الاعراض الجسديه اختفت