|
توسوسون في الوضوء و الصلاه ؟
عندي مشكله والله هالمشكله خلتني اخاف من الصلاه
عمركم شفتوا انسان يخاف يصلي ؟
و يقعد يفكر قبل وقت الصلاه شو بيسوي كيف بيتصرف ؟
هذه انا
شايله هم الوضوء و الصلاه و كأني رايحه احارب
تخيلوا قبل موعد اي صلاه في صوت في صدري يتكلم اللي هو مثل صوتي يقول انتي ما بتتوضين و لا بتصلين الصلاه عدل
الحين و انا اكتب لكم حاسه ان الموضوع وايد سخيف الصوت اللي يتكلم مب انا و انا عارفه نفسي اني بتوضأ و بصلي
لكن والله وقتها احس اني صدق ما توضيت ولا صليت
شو اسوي ؟ تعبت والله
الكل قال لي طنشي و طنشي
احس وسواس الخوف من الموت قعد يخف و الحين هذا الوسواس متعبني أكثر !!
|