المشاركة الأصلية كتبت بواسطة انعكاسات

السلام عليكم ورحمة الله

عندي وسواس العين والحسد
اذا احد تكلم ومدحني او حتى علق علي على طووول اخاف واتوتر
ويجي ببالي بيصكني عين بيحسدني .... الخ
وتجيني حاله مثل نوبة الهلع خووووف مره
هل معناته جد جاتني عين ؟
الفدعوسي كيف جاتك العين و الحسد ؟!
هل فعلا الواحد يحس لما تجيه العين ؟!
يعني يحس بخنقه و الم بالصدر و خوف
والا انا ابالغ ؟
والله وصل فيني الحال اني اخذ أثر من كل الناس
اذا كنا في عزيمه اجلس اسمي واقرا المعوذات والفاتحه
واذا احد مدحني حتى لو مجامله اقول ماشاءالله وكذا 😪
واحاول اني اطلع بشكل مبهذل
ماعرف ليه وصل فيني هالحال ؟ مدري ليه صرت اشك في الناس
والحريم ما كانوا يقصرون بسوالف العين والحسد لين صرت اقول اللي فيني سببه العين والحسد
حتى اهلي واخواني اي احد يعلق اخاااف و ارجف ويبدا يشد صدري
واحس باختلال الانيه واخاف زياده
واحد من اخواني صدف موقف معاه وصرت اخاااف منه حتى لو علق علي تعليق بسيط
واجلس اسمي واقول ماشاءالله بيني وبين نفسي وتجيني البكيه منه
الوسواس يروح ويجي
مرات اقول لا دامني قايله الاذكار خلاص ماله داعي اوسوس
ومرات لا اقول ما تكفي 😪
لا احد يتطنز ترا جد احساسي 😪
كل ما تكلمت مع احد قال لي انتي تبالغيييين وجلس يضحك علي اني خوافه و ماعندي ايمان بالله