نفساني - عرض مشاركة واحدة

31-07-2016, 02:36 AM

اقتباس:

المشاركة الأصلية كتبت بواسطة متفائلةدائما

اول ماصحى من النوم جسمي مكسر ومخي مشوش
اقعد ساعه او اكثر عشان اقدر اقوم
اشيل هم هاليوم الجديد الكئيب كيف بيمر مثل باقي الايام
بالقوه اتوضا واصلي وصلاتي ماادري ايش قلت فيها
ارجع انسدح على السجاده لفتره ولو مااحد يجي يصحيني مااقوم ممكن اقعد على ذا الحال كل اليوم ماتفرق عندي دام هالوساوس في راسي
رغبتي في الاكل معدومة ولا احس بجوع ابداً لدرجة لما احد يسالني اكلتي او لا استغرب انا كيف نسيت اكل ؟!
ملابسي لو تقعد على جسمي اسبوع مااحس فيها ولااشم لنفسي ريحة ؟!
واذا جلست مع الناس مرات اسمع ايش يقولون ومرات اسمع الوسواس اللي في راسي
حركتي ثقيله ولا لي نفس اتحرك من مكاني
صدري احسه مكبوت ونبضات قلبي سريعه ومرات تنخفض لدرجة مااسمعها
اكره الضوء القوي واذا جلست فيه اكون مشوشه
زوجي ماصرت ارتاح اذا جلست معه والعلاقه الحميميه اختفت ماصرت احس
ومرات اتخيل راس البشر كانها رؤوس حيوانات مثل الحمار والكلب
فيني غضب داخلي ورغبه عارمة بالصراخ وشعور بالعجز والكسل
اي شغله اسويها فالمطبخ اسويها بتثاقل وكمان مااركز وانا اسويها
اكثر وسواس مستحوذ علي اني مصابه بمرض عقلي او اني فقدت عقلي خلاص
او اني في النهايه راح اكون في مصحة نفسيه
ولدي ماصرت اهتم لاكله او لبسه او نظافته والوم نفسي على هالشيء
حتى ماصرت احظنه او اهتم له زي اول وبس خايفه ان ابوه ياخذه مني لاني مريضه او اهله ياخذونه مني واعيش حياتي بحسره والم هالفكره معششه في مخي ماادري ليش
اخوي اللي مريض فالبيت دايم اقول اكيد انا بينتهي بي الحال مثله !! بس ياترى بتحمل كل هالوجع والا بنتحر وانهي حياتي وياترى بقدر اقدم على هالخطوة والا اكون جبانه
في نهايه اليوم ارمي جسمي على السرير ومخي مشوش ومليان افكار ملخبطة واتمنى اذا نمت مااصحى من نومي ابدا
اي قصه اسمعها لشخص مريض او منتحر اتاثر بها واخاف يصير بي الحال مثله
حتى قراءه الكتب ماصرت اركز ايش قرات
وجوالي بالايام ماافتحه ولاارد على احد ولا لي نفس اكلم احد
طول الوقت ساكته واراقب بعيوني ومخي مو معاي ابدا ابدا
عندي سوء ظن بالاخرين للاسف ولما اكتشف اني ظلمتهم احزن والوم نفسي !!

قاعده اكتب لكم وانا مشوشه وتعبانه بس ابغا حلوووول او حتى قولولوي فعلا تشخيص الدكتور صحيح اني مصابه باكتئاب مع وساوس او ان عندي فصام او ذهان او مرض آخر !!
مع العلم اني اتناول الان ايفيسكر 150 فقط
من يوم 8/شعبان الى الان !!
تحسنت فتره ايام العيد فقط ثم هجمت علي الاعراض مرة اخرى
الان لي اسبوع تقريباً مكتئبه جدا وعذراً دورتي الشهريه مانزلت لها 20 يوم
واخاف اكون حامل وانا بهذا الوضع النفسي السيء ؟!
ارجوووكم هل من مساعده
ربما كلمة طيبه تخفف من معاناتي
وهل سبق احد مر بمثل هالاعراض وتشافى منها ؟!
اعذروني على اللخبطه لاني اكتب وانا مشوشه

قرأت كل حرف كتبتيه وانا تقريبا مثلك

نصيحه اول شي شوفي راسك فيه فري ولا لا واذا فيه فري عالجيه وثاني شي اخذي علاجك النفسي او غيري الدكتور اذا دكتورك موشاطر ثالث شي شوفي احد يقرا عليك البقره لازم تقومين بكل هذا عشان تحاولين تطلعين من هالحاله وافحصي الفيتامينات بالجسم

انا مثلك ماكل هوا ومدري متى بنخلص من هالامراض الملعونه