نفساني - عرض مشاركة واحدة

01-08-2016, 08:12 PM

اكتب لكم قصتي هنا واتمنى من يعاني مثلي ان يساعدني :
كنت طفله طبيعيه جدا لا اهاب شي واسافر مع ابي لوحدي دون خوف ولكن شخصيتي خجوله وهادئه وما اعرف ادافع عن نفسي بس اموري كانت تمام
بدأت معي حالة هلع ومن ثم اكتئاب شديده وانا عمري 12 استمرت 6 اشهر فقدت خلالها المتعه بكل شي بالحياة وكرهت المدرسه وتدنى مستواي الدراسي اكره المدرسه لخوفي من تكرار حالات الهلع او ان يغمى علي او ان تموت امي وانا بالمدرسه وكنت لا اريد ان يعرفوا صديقاتي تشافيت من الاكتئاب وبدأت اتحسن ومشت حياتي ,
اليوم عمري 41 سنه متزوجه وام لم اكمل دراستي بسبب الخوف من حالات الهلع رغم انها ماعاد جتني ولم اكن احب الدراسه ولا احرص وقت الاختبارات لاني اقول بنفسي وش الفايده من العلامات والاجتهاد المهم النجاح اخرتها بنموت ليش ندرس ونتعب كانت افكاري تشاؤميه ,
كنت اخاف اسافر بدون امي اخاف يصير لي شي وهي مو جمبي او يصير لها شي وانا مو قريبها منها اقول طيب لو حالتي خطيره بموت ماامداها ترجع من السفر تزوجت واستمرت هالحاله لو سافر زوجي ابكي اخاف يصير له شي او انا يصير لي شي وان سافروا اهلي اخاف عليهم يجيهم شي اصبح السفر موضوع مرعب لي حتى لو جده او مكه ,
بدأت اتحسن نوعا ما اصبحت ما اهتم لسفر اهلي او اسافر عنهم او زوجي يسافر وفي احد المرات في سفر اهلي حصل لهم حادث كادت امي ان تموت واخوي وتنوموا بالمستشفى هناك وكانت حالتهم خطيره ولحسن الحظ كنت قريبه من هالبلد ,
الان يا اخوتي اولادي كبروا واصبحوا رجال والحمد لله ولكن مازلت اعاني معاناة الله وحده يعلم فيها عندماً اريد السفر عن اولادي او سفر اولادي عني لمكان بعيد كاوروبا او غيرها واكره الطائره جدا واتعب قبل السفر الذهاب باسبوعين واصير متوتره جدا بينما لما اسافر تتغير نفسيتي واكون سعيده جدا .
الان عندما يريد احد ابنائي السفر اشعر بتوتر واكتئاب وقلق شديييييد قبل سفرهم بشهرين واتخيل يجيني شي او يصير لهم شي احس اني ابغى ابكي وابغى احظنهم اقول كيف بجلس كم اسبوع بدون ماشوفهم كيف بقضي يومي كيف بتمر الايام وتلعب فيني الافكار ويوم سفرهم ابكي بكاء واكره بيتي وكثير ناس يستغربون مني ليش كذا واشوف الناس عيالهم يسافرون ويدرسون برا والموضوع عادي ولا همهم ,
ليش انا كذاااا وش الحل من مر بحالتي رغم اني اكل سيروكسات من 16 سنه مقدار حبه 20 جرام يوميا.
وبالنسبه لزوجي احنا منفصلين .
ساعدوووني والله مرات ابي اموت وارتاح انا متوكله على الله بس الوسواس ذبحني والقلق
واسفه ان كلامي مخربط بس والله اتمنى الراحه والسكينه مابي اتعذب واعذب عيالي بوسواسي

المصدر: نفساني