نفساني - عرض مشاركة واحدة

03-08-2016, 12:43 AM

طيب قل لا إلـه الله الا الله وهدي شوي وركز شوي...

انت تقول جربت كل الأدوية والعلاجات الكيميائية ومانفع شيء، حلو .. جربت علاج سلوكي؟ جربت تقوم بعمل ما غصبنا عن اللي جاب مخّك وأفكارك غصب لفترات طويلة؟ أتوقع الإجابة لا.

إذا خذ عهدة على نفسك وجرّب العلاج السلوكي.. انت عطيت نفسك فرصة طويلة جدا مع العلاجات الكيميائية، عط نفسك فرصة أقل منها بكثير ببرنامج تغيير سلوكي صارم على فترات طويلة وشف وش يطلع معك.. منت خسران شيء جربه.

انا مانيب اقولك العلاج السلوكي خربوطيات المعالجين اللي عندنا (تنفس عميق ، وحرية نفسية).. لا لا.. الأمر أصعب بكثير من كذا لكنه أفود

أنا ما أقدر أعطيك برنامج يخصّك انت لأن انت أدرى بصفاتك السلبية وقصّتك وظروفك وظروف عائلتك وبيئتك.. لكن كعوانين عامة:
1_ كثّر من علاقاتك الإجتماعية. (لا تقول مالي نفس.. ادري انك مالك نفس لكن اغصب نفسك عليه.. ماعليه تحمل.. حتى لو عانيت من التنمّر والإستهزاء بالبداية)
2_ ثقة ثقة تامة أنّ الثقة بالنفس صفة مكتسبة وليست تُولد معاك.. بمعنى ان كل ما زادت تجاربك الناجحة كل ما زادت ثقتك.. وكل مازادت ثقتك بنفسك يبدأ بالتلاشي الإضطراب النفسي.
3_مارس الرياضة.. تحرك لاتجلس بالبيت حاول قدر ما تقدر انه ما تجلس لحالك.. خذها قاعدة: اي واحد يجلس لحاله لفترات طويلة يفلسع حتى لو ما كان فيه شيء.. فمالك بالمضطرب اصلا!
4_شيل من مخك سالفة هرمونات مخي ضاربة والسيروتونين عندي قليل.. شيل من مخك سالفة إني اعاني من إكتئاب مزمن مقاوم للعلاج.. لان كل هالسوالف كذبة بروبغاندية لزيادة سيولة شركات الأدوية.. اقسم بالله انه كلها كذب لا أساس لها من الصحة ولا تقوم على أي دليل علمي.
5_ اتبع نظام صحي ونظم جدولك.. وحاول تلقالك وظيفة
6_حاول تغير أفكارك.. أي فكرة حقيرة تراودك وتأمرك سو عكسها تماما مثلا: يا رجال اجلس بالبيت وخلك لا تروح تركض بالكورنيش الحين تشوف شلة يضحكون ومستانسين وينبعص جوي ..اطلع غصصصصب عن نفسك حتى بو ما انبسطت.. اضحك على نفسك..
7_ تدرب على التطنيش.. طنننش كل شي .. ردد دائما وابدا في نفسي.. اهم شي مزاجي وجوي طز بالعالم يحترق
8_ اخيرا والأهم.. تأكد انه السالفة راح تطول يعني مو يوم ولا يومين ولا شهر حتى .. عط نفسك سنة وأكثر .. اتبع هالبرنامج وبصرامة ولا تلتفت للخلف ابدا مهما تعرضت لخيبات..
التوازن النفسي ما يجي بيوم وليلة

أنا احس ان لساني طلعبه شعر من كثر ما أكرر هالسالفة.. الله يلعن شركات الأدوية والأطباء النفسيين اللي يتعمدون يعذبون الناس

لا تقول مالي خلق.. انا ما اقدر.. مالي نفس.. الناس راح تضحك علي.. راح اشوف ناس تضحك واطق ريوس وارجع لاني مو زيهم.. الحياة مو لي.. اصلا جسمي مافيه طاقة.. اصلا أي ظرف سيء راح يواجهني راح انهار وانتكس..
انا عارف إنك كذا لكن الدعوة وانا اخوك مجاهدة.. مجااااهدة يعني تسوي شيء غصبن عنك

جرب منت خسران شي..

الله يشفي الجميع

ضـــي ,( هبة الرحمن ) معجبون بهذا