نفساني - عرض مشاركة واحدة - زواج السعوديه من غير السعودي ( الأجنبي ).

03-08-2016, 07:46 AM

اقتباس:

المشاركة الأصلية كتبت بواسطة لمــــار

مدام الشروط مستوفيه يعني ان شاء الله مسألة وقت
ما يحتاج تقلقي..
و بالشؤون الامنيه غالبا تاخد من شهر لشهرين اجراء روتيني
يعني ما تطول ان شاء الله
تابعيها بالموقع بس لمن تخلص حتتصدر لامارة مكه
تجيكي الرسايل ع رقم الجوال المسجل بالمعامله

بس ليش معاملتك من محرم؟؟
كيف بدأت من فين وكيف كان مسارها؟

ان شاء الله ما تطول والله يطمن قلبك دائماً وشكرا عالرد
بالنسبة لمسار المعاملة

بدأت من شرطة مكة سلمت الأوراق كلها بداية محرم
وصلت للإمارة والداخلية نهاية محرم
في الداخلية بعد شهرين على ربيع التاني أغلقوها وقالوا فيبغوا صح طلاق خطيبي بس بتاريخ تصديق جديد من سفارته هو كان متزوج وحدة تونسية وطلقها من خمسة سنين
رجعت لمكة و بعدها الشرطة وسلمت لهم الأوراق ورجعت تاني للإمارة وبعدها للداخلية
جلست هناك الى رجب وأغلقوا تاني وقالوا هي موافق عليها مبدئيا بس يحتاجوا خطاب تاني من العمل
أنا اشتغل في مستشفى قوى الأمن تابعة للداخلية بس في برهنت الأحوال و خطاب التعريف باين ان أنا موظفة أهلية لأَنِّي عقدي يتجدد كل سنة والكل قالي مو مشكلة بس لازم سنكتب كده في خطاب التعريف وعملته زي ما يلغوا
بس للأسف الناس في الداخلية رأسهم شوية ما يفهم تمام
قالوا لازم اكتب في الخطاب بالتفصيل متى العقد ينتهي و كم مدته و كيف أنا موظفه عندهم
وبعد مضاربات مع الموارد البشرية عشان الخطاب عملته زي ما يلغوا وأرسلتها تاني
طبعا نفس الشي المعاملة رجعت من الرياض لمكة للشرطة وبعدها تاني للإمارة وبعدها للرياض
وصلت هناك تاريخ 1/9 و من يومين الكلام الي فوق اخر شي حصل للمعاملة
ودي الحكاية بالمختصر