شفاءك يارب

بيانات اضافيه [ + ]

رقم العضوية : 53920  تاريخ التسجيل :  06 2016  أخر زيارة : 05-09-2021 (02:43 AM)  المشاركات : 1 [ + ]  التقييم :  10

لوني المفضل : Cadetblue

والله اني دمعت وانا اقرأ كلام الاخ فلها وربك يحلها لاني تعبببببببببببببببببت كرهت نفسي والدنيا اقول لنفسي كيف الناس تروح تجي تاكل تشرب تضحك تسافر تتزوج تخلف تجمع فلوس ونهايتنا للموت صرت اتلفت ادور ملك الموت احيانا اغمض اقول خل ياخذني وانا مااشوفه احيانا افتح واتلفت عشان اشوفه راااااااسي الآمه غريبه صدرررري اوجاعه كثيره ظهري يديني ارجولي بطني عيوني عقلي تفكيري تعبت يمكن اللي فرحني في كلامه يوم قال كل ماتغيرت او كثرت الاعراض وتذبذبت فأن المرض بدأ يزول ويااااارب لان كل يوم وكل نوبه عن نوبه تختلف فيها الاعلاض بس مدري لا زلت متشككه اخاف احد من اهلي يصير فيه شي لدرجة اني اجي عندهم وهم نايمين اشوف اذا يتنفسون او لا احيانا ارفسهم ههه شر البلية مايضحك عشان يتحركون واتطمن عليهم اذا احد طول في الحمام الله يكرمكم ادق عليه الباب واشوف وش فيه دايما تفكيري سوداوي انا مدري وش عندي بالضبط بس الاعراض كلها تشير لنوبات الهلع العطور اكره ريحتها الاكل اكره ريحته شهيتي عددددددم اكل بس عشان مااموت واذا اكلت احس اني مكتووومه ماعاد في مجال للنفس واحس اني بموووت نسيت وش تعني الضحكه من قلب ولا ضحكت داهمتني الافكار ونكدت علي صارت احلامي كلها عن القيامه واهوالها كنت اعشق الليل الشتاء المطر الجو المغيم صرت اكرهههن الرعووود تطيح قلبي اقول كيف النفخه في الصور اقول كيف يوم الحشر اذا شفت الزحمه كيف القبر وظلمته لا قعدت في مكان مظلم صرت اتمنى لو كنت هباءا منثورا لو كنت تراب ياليتني مت قبل هذا وكنت نسيا منسيا اخاف اني قاعده اعترض وأأثم بس والله اني خاااااايفه الايام هذي صرت احس اني شي غريب والكون والناس والحياه والجنه والنار وش انا من انا من انتو وش يعني الحياه احس اني امشي بغرابه اني بطيح اني هشه والجهه اليسار مدري كيف اشرح شي غريب ماقدرت اوقف الافكار وماقدرت اواجهها اخاف اروح لشيخ واخاف اروح لدكتور انا كم مره رحت لدكاتره لاعراض كنت احس فيها بس كل مره يلقون لي شي انا مدري انا معلووله والا الدكاتره مايطلعونك الا وبك عله !! كرهت الادويه والمستشفيات حلفت ماعاد اروح فكرت اروح اسوي فحص لفيتامين د وبس وللحين مارحت .. صار يجيني شي كريه كل ماصار شي احس اني قد شفته ذا الموقف او ذا الشخص ودااااااائما اتوقع الاسوأ كأنفجار كموت الانفجارات صارت كل تفكيري والكهرباء والسيارات ياااااارب تعبت . لما اقرأ للمرضى اللي زيي احس براحه ان فيه احد زيي يحس باللي احس فيه مو بس انا ولما اقرأ للمتعافين احس بتفاءل بس انا لحالي ماقدرت ابي احد يشجعني ابي احد ياخذ بيدي ... اكثر الاعراض مرت علي وبعضها لازال مستمر اول نوبه جتني في 2011 والى الان رحت مكه ودعيت وانا قدام الكعبه وبكيت لربي وماعاد جتني الاعراض اررررررتحت بس يعد فتره رجعت لي بقوووه في بداية الاعراض كانت تجيني مرات في الاسبوع استناها تجي عشان ارتاح اقعد في قلق وان جت تقعد ساعات وكنت اببببببكي وبعدها ارتاح بس الحين ماعاد في دموووع في افكار سوداويه اكثر ومرعبه اكثر وتستمر النوبه لايام اتجاهل واتجاهل بس مافي فايده حتى النوم يطييير لانوم ولا بكى يخفف احيانا اواجه نفسي اي بتموتين ماالرسول صلى الله عليه وسلم ماتوا الخلق مابتوقف عليك وحتى لو كنتي للنار منتي لحالك خلااااص ازعجتيني اقلقتيني كرهتيني في حياتي استغفر الله واتوب اليه .. كنت انصح الناس بالصبر ولا زلت لا جو اشتكوا لي واتفلسف وانا مااصبر ولا قدرت احس اني ضعيفه يارب رحمممتك وعفوك ورضاك وجنتك .. ادري كلامي مخربط بس اتكلم والحاله فيني ماعاد قدرت اجمع او ارتب .. ووالله اني لا جيت ادعي ربي مااقول يارب واشفي المسلمين والمسلمات بس اني اقول والناس اجمعين والا وخلقك كلهم اغلب الظن لو هتلر عايش ماتمنيتها له ..