المشاركة الأصلية كتبت بواسطة نرجسية

واياك يا رب عزيز وغالي، والفال لك ان شاء الله وكل الموجودين هنا، الحمد لله من شوال العام الماضي بديت انام خمس ساعات كانت كاني ملكت الدنيا وزادت تدريجيا للحد الطبيعي الله لا يغير علينا الا لافضل، راجعت نفسي لقيتني بحساسيتي المفرطه اجيب الامراض لنفسي! شلون؟ كل موقف افسره على كيفي ليش قالت كذا وليش ما بين فيهم المعروف ومن هالتشره تراكمات نفسية ادت للانفجار، اخذت ديباكين طاح شعري، اخذت لاميكتال صرت بس امشي مستحيل اجلس خمس دقايق على بعض، غير نوبات الهلع عند ابسط موقف مع ان شخصيتي كانت قويه بعدها اخذت ابليفاي ناسبني صراحه ومدينه لله بالفضل ثم له لمدة خمس شهور بعدها قررت اموت او ارجع المصحه ولا هالحاله ، والله تجربه فريده من نوعها مو اي شخص يمر فيها طلعت فيها كل الي في داخلي من غضب وصراخ، شفت الناس الي بجد ينقال عنهم حالة صعبة الله يشفيهم ، تادبت مع نفسي عرفت شلون ما اسمح لشي مطلقا ينكد يومي، كنت اجرجر الماضي معي في حاضري ومستقبلي، طيب ليش افقد يومي، ما اخفيك اني في مرحلة النقاهه كنت اتعب من التفكير الاارادي التسلطي وكل انسان يتفلسف على راسي ويقول لي لا تفكرين كثير، كنت اقول فبالي الي يده في الماء غير الي يده في النار، ليه ما كنت اسمع لاحد، لان كيميا المخ مختلفه ومتغيره يعني باختصار مو انا،،، فقدت السيطره على تفكيري صار هو يمشيني على كيفه،، زي ما يعلق مثبت السرعه بالضبط هههههه ، لكن حاليا الحمد لله فهمت نفسي وتصالحت معها وما اكلفها مالا طاقة لها به، احاول اتجنب المشكله في حال لا مناص وقعت احلها بعقلانية وخلاص انسى واحاول استمتع بيومي واعيش تعاستي برفاهيه قدر الامكان، صح ماني سعيده حاليا، لكن الحمد لله ماعندي اكتئاب ولا ارق مزمن كالسابق وحليت اغلب مشاكلي، وتاكدت من تجربتي الشخصية الخاصة بي فقط ان الخلل الي يجي فجاة ان شاء الله يختفي فجاة كالجرح،، قد يترك ندبه لكنه يلتئم قد يحتاج تدخل جراحي وقطب لكن سرعان ما يشفى بامر الله طبعا، ما كان ودي اقول هالشي بس مضطره - الصدقة ربما تكون المنجية - فمان الله وقدامك العافيه وللابد اقول لك المشي بداية العافية ان شاء الله