المشاركة الأصلية كتبت بواسطة ا،السويدي

السلام عليكم و رحمة الله و بركاته

اليوم بعد صلاة الفجر كنت طبيعيه جداً مثل كل يوم
اقعد اشوف الفون لين ما احس اني دخت و انام
حتى اليوم كنت اشوف الفون و يوم دخت غمضت عيني
لكن اللي صار كان (غرررريب جداً )
أول شي حسيت بالافكار كلها تتجمع .. و هي مثل خيالات اصلا ،، حسيت ان راسي بينفجر منها
عقب غفت عيني لكن اول ما غفت حسيت اني صرت خفيفه و كأني مت
مادري كيف بس حسيت اني ميته ..

قمت خايفه و شوي بصيح .. اشوف الغرفه غريبه و نفسي اسألها انا منو
حتى اني كلمت وحده من بنات المنتدى عندي عالوتساب .. أحسها غريبه و اقول هاي ليش اكلمها ؟؟
مادري والله احساس غررررريب كان ..
رديت عشان انام لكن زادت الخيالات .. كنت احس اني قاعده اودعهم و اقول يلا انا ميته
و ارد اقعد و انا خايفه من اللي يصير ..

والله حسيت لحظتها ان خلاص هاللي قاعد يصير هو الموت واللي كان قبل كان وسواس ..
قلت خلاص الحين اذا غمضت عيني ما برد افتحها :(
و رقدت صح حتى اني يوم قعدت من النوم استغربت كيف نمت و ليش ما حسيت اني نمت ..

القهر ان كل مره يقول هالمره النهايه لكن يطلع كذب .. و انا اصدق و اخاف !
و اقول خلاص من اليوم بتجاهل .. يقولي يمكن كان كذب بس الحين صدق

طمنوني