المشاركة الأصلية كتبت بواسطة عبدالله سلمان

الله يعافيك

أنا يا أختي كان معي إكتئاب من سنين وإنطواء يحضر ويغيب من سنين طويلة .. وكذلك جاني نوبات هلع وقولون وكذلك وسواس الموت وأعراض نفسوجسدية بهذلتني .. والحمد لله أبشرك أموري طيبة وبدون أدوية
أنا أشوف إن الشخص إذا مره مره مره حاول وجرب كل الطرق ولا نفع ووضعه صعب جدا ممكن يروح لطبيب نفسي .. والأنثى ضروري بعلم أهلها لأنها تحتاج دعم ومساندة أكثر من الرجل


أي أي أي شخص يطب عليك ويقول لك خوذي أدوية من ورى أهلك إسأليه وش وضعه .. ومن ثم تخيلي وضعك وماتبين أحد يدري عنك .. لا إراديا الناس هنا ودها تساعدك بأي شيء ولكن مو كل شخص يتوفق في رأيه


وأنا شخصيا كنت متحفظ وخصوصا الفترة الأخيرة إني أنصح شخص أو أحاول مساعدته من خلال تجربتي .. لكن من كثرة مواضيعك والآراء الشاطحة جدا اللي قيلت لك قلت لازم أرد عليك


تبين تتكلمين عن وضعك هنا حياك الله .. أو افتحي موضوع بالفضفضة واكتبي كل اللي براسك وكل اللي يمر عليك حاليا من أعراض نفسية وجسدية

في أمان الله