المشاركة الأصلية كتبت بواسطة عبدالله سلمان

الله يهديك تطمني .. انتي متوترة بقوة ,, والله يا بنت الحلال إن فيه ناس مر عليهم الوسواس بشكل قوي جدا .. ومع ذلك أمورهم طيبة الآن ... لا تخافين كل هاللي يمر عليك حاليا راح يخف تدريجيا إذا حاولتي تستوعبين هاللي يمر فيك وتتفهمينه

هل معك غازات ؟ غصة بالحلق أو شحطة بالحلق ؟ شد بالرأس من الخلف ؟ اضطراب في الرؤية ؟

متى ما روقتي وهديتي اكتبي بهدوء كل الأعراض النفسية والجسدية .. وأكرر بهدوء

وترى كل كل هاللي تتكلمين عنه شيء طبيعي ... وتصرف أهلك شيء طبيعي .. كل الشعب هنا نفس حالتك ولا نلوم الناس الطبيعيين برا أبدا .. لأنك تعرفين انه لو فيك شيء عضوي يقدرون يشوفونه كان شالوك من على الأرض اللي تمشين عليها .. ولكنه وسواس ومحد يشوفه ولا أحد يفهمه

وبعد فترة راح ترجعين لردودك ومواضيعك اللي كتبتيها وانتي قلقه جدا وتضحكين عليها .. كل هالمخاوف راح تتلاشى لما تفهمين اللي يمر عليك وتصير مع الوقت تافهه وبتصيرين أقوى في مواجهتها


أذكر أخذت فترة ما أنام والنور طافي .. كوابيس يومية .. عيوني تنحول وتتعدل .. كل مكان في جسمي أدقق فيه .. مافيه دكتور ما رحت له .. مافيه مفسر ما طاردته .. ما فيه مرض ما بحثت عنه في قوقل .. ووووالخ بلاوي متلتله


روقي وأمورك بتصير تمام بإذن الله